Alia Bhatt Birthday : वयाच्या 11 व्या वर्षी आलिया पडली होती रणबीर कपूरच्या प्रेमात, आलियाची ‘बचपन का प्यार’वाली लव्हस्टोरी

आज लाखों तरूणांच्या 'दिल की धडकन' आलिया भटचा वाढदिवस आहे. त्यानिमित्त आलिया आणि रणबीर कपूर यांची लव्हस्टोरी जाणून घेऊयात...

रणबीर कपूर, आलिया भट

टीव्ही 9 मराठी डिजीटल टीम | Updated on: Mar 15, 2022 | 9:54 AM

मुंबई : बॉलिवूड अभिनेत्री आलिया भट (Alia Bhatt) हिचा आज तिचा वाढदिवस आहे. आलियाने बॉलिवूडला अनेक दर्जेदार सिनेमे दिले. नुकताच आलियाचा ‘गंगुबाई काठियावाडी’ (Gangunbai Kathiawadi) हा सिनेमा प्रदर्शित झाला. या सिनेमाने तिला बॉलिवूडची ‘गंगुबाई’ अशी ओळख दिली. आलियाने वयाच्या सहाव्या वर्षी कामाला सुरूवात केली. ‘संघर्ष’ चित्रपटातून तिने बालकलाकार म्हणून तिच्या करिअरला सुरुवात केली. करण जोहरच्या ‘स्टुडंट ऑफ द इयर’ या चित्रपटातून तिने मुख्य अभिनेत्री म्हणून कामाला सुरूवात केली. स्टुडंट ऑफ द इयरमधल्या तिच्या बबली भूमिकेचं सर्वत्र कौतुक झालं. आज आलियाचा 29 वा वाढदिवस (Alia Bhatt Birthday) आहे. तिच्यावर सर्वत्र शुभेच्छांचा वर्षाव होतोय. यंदाचा तिचा वाढदिवसही खास आहे. कारण ‘गंगुबाई काठियावाडी’सारखा सुपरहिट सिनेमा बॉक्सऑफिस गाजवत असताना तिचा वाढदिवस साजरा होतोय. पण या सगळ्यात आलियचं पर्सनल आयुष्यही तितकंच चर्चेत आहे. आलिया आणि रणबीर कपूर एकमेकांना डेट करत आहेत. पण तुम्हाला माहिती आहे का की रणबीर हे आलियाचं बचपन का प्यार आहे. वयाच्या 11 व्या वर्षी आलिया रणबीरच्या प्रेमात पडली होती.

आलियाचं बचपन का प्यार

आलिया आणि रणबीर कपूर मागच्या काही दिवसांपासून एकमेकांना डेट करत आहेत. लवकरच आलिया भट्ट आणि रणवीर कपूर लग्न करणार असल्याचीही माहिती आहे. आलियाने एका मुलाखती दरम्यान रणबीर आपल्याला लहानपणीपासून आवडत असल्याचं म्हटलं होतं. आलियाने ‘कॉफी विथ करण’कार्यक्रमात सांगितलं होतं की, “ती 11 वर्षांची असल्यापासून रणबीरवर तिचा क्रश आहे. आलियाने रणबीरला ‘ब्लॅक’ चित्रपटाच्या सेटवर पाहिलं होतं. तेव्हा तो संजय लीला भन्साळींसोबत सहाय्यक दिग्दर्शक म्हणून काम करत होता. तेव्हाच तो मला आवडला होता.”

आलियाचं करिअर

करण जोहरच्या ‘स्टुडंट ऑफ द इयर’ या चित्रपटातून तिने मुख्य अभिनेत्री म्हणून कामाला सुरूवात केली. स्टुडंट ऑफ द इयरमधल्या तिच्या बबली भूमिकेचं सर्वत्र कौतुक झालं.त्यानंतर तिने इम्तियाज अलीच्या हायवे चित्रपटात काम केलं. टू स्टेट्स, हंप्टी शर्माच्या दुल्हनियाँ, कलंक, राझी, डिअर जिंदगी या सिनेमांमध्ये तिने काम केलं आहे.