एअरपोर्टवर करीनाची खेचली बॅग, केली धक्काबुक्की; Video आला समोर
करीनाच्या संयमाचं नेटकऱ्यांकडून कौतुक
मुंबई- आपल्या लाडक्या सेलिब्रिटीची एक झलक पाहण्यासाठी चाहते खूप आतूर असतात. सेलिब्रिटींसोबत एक फोटो किंवा सेल्फी काढण्यासाठी चाहते किती धडपड करतात हे अनेकदा व्हिडीओतून समोर आलं आहे. अनेकदा या सर्व गोष्टींचा त्रास सेलिब्रिटींना सहन करावा लागतो. असाच एक व्हिडीओ सध्या सोशल मीडियावर व्हायरल होतोय. अभिनेत्री करीना कपूर खानसोबत (Kareena Kapoor Khan) एक सेल्फी (Selfie) काढण्यासाठी चाहत्यांनी तिच्याभोवती अक्षरश: गर्दी केली.
सोमवारी सकाळी करीनाला एअरपोर्टवर पाहिलं गेलं. आगामी चित्रपटासाठी ती लंडनला जात होती. एअरपोर्टवर ती जेव्हा गाडीबाहेर निघाली, तेव्हा चाहत्यांच्या गराड्याने तिला घेरलं. करीनासोबत सेल्फी काढण्यासाठी चाहते प्रचंड उत्सुक होते. यादरम्यान काहींनी धक्काबुक्कीही केली. या सर्वांत करीनाला कम्फर्टेबल वाटत नव्हतं, हे स्पष्ट या व्हिडीओत पहायला मिळतंय.
पहा व्हिडीओ-
View this post on Instagram
एका फोटोसाठी चाहत्यांनी तिची बॅगसुद्धा खेचली. तर सेल्फीसाठी एक चाहता बळजबरीने तिच्याजवळ जाण्याचा प्रयत्न करत होता. पापाराझींनी हा व्हिडीओ शूट केला. या व्हिडीओवर नेटकऱ्यांच्या विविध प्रतिक्रिया येत आहेत. चाहत्यांच्या अशा कृत्याने घाबरलेली करीना यात पहायला मिळतेय.
चाहत्यांच्या गर्दीत अडकलेली असतानाही करीना अत्यंत संयमाने वागली. बॅग खेचल्याने किंवा जवळ जाण्याचा प्रयत्न केल्याने ती त्यांच्यावर भडकली नाही. त्यांच्यासोबत तिने सेल्फी आणि फोटो काढले. तिच्या या स्वभावाचं कौतुक करत असतानाच नेटकऱ्यांनी चाहत्यांवर राग व्यक्त केला.
‘हे बरोबर नाही, कसं वागायचं हे चाहत्यांना समजलं पाहिजे’, अशी कमेंट एका युजरने केली. तर चाहत्यांनी आपली मर्यादा ओलांडू नये, असं दुसऱ्याने लिहिलं.
