Vedaant Madhavan: आर. माधवनच्या मुलाची चमकदार कामगिरी; भारतासाठी जिंकलं रौप्यपदक

अभिनेता आर. माधवनचा (R Madhavan) मुलगा वेदांत माधवन (Vedaant Madhavan) याने जलतरण स्पर्धेत कर्तृत्व गाजवलं आहे. वेदांतने नुकतंच डॅनिश ओपन 2022 स्पर्धेत (Danish Open swimming) रौप्य पदक पटकावलं आहे.

R Madhavan with son Vedaant Madhavan Image Credit source: Twitter

स्वाती वेमूल | Updated on: Apr 17, 2022 | 11:11 AM

अभिनेता आर. माधवनचा (R Madhavan) मुलगा वेदांत माधवन (Vedaant Madhavan) याने जलतरण स्पर्धेत कर्तृत्व गाजवलं आहे. वेदांतने नुकतंच डॅनिश ओपन 2022 स्पर्धेत (Danish Open swimming) रौप्य पदक पटकावलं आहे. त्याने 1500 मीटर फ्री-स्टाइल जलतरण स्पर्धेत पदक जिंकलं असून आर माधवनने भारतीय जलतरण महासंघाच्या पोस्टचा स्क्रीनशॉट शेअर करत या स्पर्धेतील भारताच्या विजयाबद्दलची माहिती दिली. वेदांतने याआधीही स्विमिंगमधील अनेक स्पर्धांमध्ये विजेतेपद पटकावलंय. भविष्यात ऑलिम्पिक स्पर्धेत भारतासाठी पदक जिंकण्याचं त्याचं स्वप्न आहे. मुलाच्या विजयाबद्दलची माहिती देताना माधवनने लिहिलं, ‘तुम्हा सर्वांच्या आशीर्वादाने आणि देवाच्या कृपेने वेदांतने कोपनहेगन इथल्या डॅनिश ओपनमध्ये भारतासाठी रौप्यपदक जिंकलंय. प्रशिक्षक प्रदीप सर, SFI आणि ANSA तुमचे खूप खूप आभार. आम्हाला खूप अभिमान आहे.’ माधवनच्या या पोस्टवर इंडस्ट्रीतील अनेक कलाकारांनी कमेंट्स करत शुभेच्छा दिल्या आहेत.

माधवनने त्याच्या इन्स्टाग्राम अकाऊंटवर एक व्हिडीओ शेअर केला आहे. या व्हिडीओत रौप्य पदकासाठी वेदांतच्या नावाची घोषणा करण्यात आल्याचं पहायला मिळतंय. स्पर्धेत फ्रेडरिक लिंडहोमने कांस्यपदक जिंकलं, तर अॅलेक्झांडर एल ब्योर्नने सुवर्णपदक जिंकलं. माधवनच्या या पोस्टवर बॉलिवूडमधल्या अनेक कलाकारांनी शुभेच्छांचा वर्षाव केला. ‘सुपर शुभेच्छा’, असं अभिनेत्री ईशा देओलनं लिहिलं. तर नम्रता शिरोडकर आणि दर्शन कुमारने टाळ्या वाजवतानाचा इमोजी पोस्ट केला. ‘भविष्यात आणखी पदकं जिंकून येशील याची खात्री आहे’, असं लिहित रोहित बोसने वेदांतला शुभेच्छा दिल्या. ‘वेदांत तुझा खूप अभिमान वाटतो’, असं दिग्दर्शक आनंद एल. राय यांनी लिहिलं. शिल्पा शेट्टी, शिल्पा शिरोडकर यांनीसुद्धा कमेंट्समध्ये शुभेच्छांचा वर्षाव केला.

आर. माधवनने शेअर केलेली पोस्ट-

With all your blessings & Gods grace?? @swim_sajan and @VedaantMadhavan won gold and silver respectively for India, at The Danish open in Copenhagen. Thank you sooo much Coach Pradeep sir, SFI and ANSA.We are so Proud ???????? pic.twitter.com/MXGyrmUFsW

— Ranganathan Madhavan (@ActorMadhavan) April 16, 2022

View this post on Instagram

A post shared by R. Madhavan (@actormaddy)

वेदांतला लहानपणापासूनच पोहण्याची आवड आहे. याच आवडीमुळे शाळेत असताना त्याने जलतरण संघात सहभागी होण्याचा निर्णय घेतला. या संघातून तो विविध स्पर्धांमध्ये भाग घेऊ लागला. वेदांतने याआधी विविध स्पर्धांमध्ये 4 रौप्य आणि 3 कांस्यपदक जिंकले आहेत.