Sidharth Kiara Wedding | सिद्धार्थ-कियारा याच्या लग्नाला शाहिद कपूरपासून ते करण जोहरपर्यंत हे बाॅलिवूड स्टार लावणार हजेरी, वाचा यादी

मुंबई : बॉलिवूड अभिनेता सिद्धार्थ मल्होत्रा आणि अभिनेत्री कियारा अडवाणी (Kiara Advani) हे गेल्या काही वर्षांपासून एकमेकांना डेट करत होते. चाहते यांच्या लग्नाची आतुरतेने वाट पाहात होते. शेवटी तो दिवस जवळ आलाय. सिद्धार्थ आणि कियारा हे उद्या म्हणजेच ६ फेब्रुवारीला लग्नबंधणात अडकणार आहेत. सिद्धार्थ मल्होत्रा (Sidharth Malhotra) आणि कियारा अडवाणी यांच्या लग्नाच्या कार्यक्रमांना सुरूवात झालीये. अगोदर मेहंदी, हळद आणि रात्री संगीत प्रोग्रामचे आयोजन करण्यात आले असून राजस्थानमधील जैसलमेर येथील सूर्यगढ पॅलेसमध्ये हा शाही विवाह सोहळा हा पार पडणार आहे. कालच कियारा अडवाणी ही मुंबईहून जैसलमेरकडे रवाना झाली आणि सिद्धार्थ मल्होत्रा हा दिल्लीहून आपल्या कुटुंबियांसोबत जैसलमेरला पोहचला. अत्यंत खासगी पध्दतीने हा विवाह सोहळा पार पडणार आहे. अगदी जवळच्या लोकांच्या उपस्थितीमध्ये कियारा आणि सिद्धार्थ लग्नबंधणात अडकणार आहेत.

पाहुण्यांसाठी सूर्यगढ पॅलेसमध्ये तब्बल ८० रूम या बुक करण्यात आल्या आहेत. लग्नामध्ये पाहुण्यांना देखील काही नियम फाॅलो करावे लागणार आहेत. लग्नामध्ये नो फोन पाॅलिसी असल्याने पाहुण्यांना आपले फोन जमा करावे लागतील.

विशेष म्हणजे कोणालाही या लग्नातील फोटो किंवा व्हिडीओ हे शेअर करता येणार नाहीत. चाहते कियाराच्या मेहंदीच्या फोटोंची वाट पाहात आहेत .मात्र, अजूनही कियारा किंवा सिद्धार्थ यांनी कोणतेही फोटो हे सोशल मीडियावर शेअर केले नाहीयेत.

अगदी १०० ते १५० लोकांच्या उपस्थितीमध्ये हा शाही विवाह सोहळा पार पडणार आहे. करण जौहर, आरती शेट्टी, शाहिद कपूर आणि त्याची पत्नी मीरा कपूर, शबीना खान हे लग्न सोहळ्यास उपस्थिती लागणार आहेत.

करण जोहर आणि सिद्धार्थ मल्होत्रा यांचे खास नाते असून स्टूडेंट ऑफ द ईअर या चित्रपटामधून करण जोहर याने सिद्धार्थ मल्होत्रा याला हिरो बनण्याची संधी दिली होती. कबीर सिंह या चित्रपटामध्ये पहिल्यांदा कियारा आणि सिद्धार्थ मल्होत्रा यांनी सोबत काम केले.

अंबानी परिवार देखील सिद्धार्थ मल्होत्रा आणि कियारा अडवाणी यांच्या लग्नाला उपस्थित राहणार आहे. ईशा अंबानी आणि कियारा या लहानपणीपासूनच्या मैत्रीनी आहेत. जैसलमेर विमानतळावर अंबानी कुटुंबियांना स्पाॅट केले गेले आहे.