जया बच्चन यांची हुबेहूब नक्कल; हा Video पाहून पोट धरून हसाल!
तरुणीने केली जया बच्चन यांनी जबरदस्त मिमिक्री; तुम्हालाही हसू होईल अनावर!
मुंबई: ज्येष्ठ अभिनेत्री जया बच्चन (Jaya Bachchan) यांना नेहमीच पापाराझींसमोर चिडताना आणि रागावताना पाहिलं गेलंय. जया बच्चन यांना फोटो किंवा सेल्फी क्लिक करणं अजिबात आवडत नाही. अशा वेळी कॅमेरासमोर त्यांचा राग सहज पहायला मिळतो. यामुळे अनेकदा त्या ट्रोलिंगच्याही (Trolling) शिकार होतात. सध्या त्यांच्याच मिमिक्रीचा एक व्हिडीओ सोशल मीडियावर तुफान व्हायरल होतोय. या व्हिडीओमध्ये एका मुलीने हुबेहूब जया बच्चन यांची मिमिक्री (Mimicry) केली आहे. या मुलीच्या चेहऱ्यावरील हावभाव पाहून तुम्हालाही हसू अनावर होईल.
डिजिटल क्रिएटर एनाली सेरेजोने हा क्लिप पोस्ट केला आहे. जया बच्चन पापाराझींसोबत ज्या पद्धतीने बोलतात, त्यांच्या प्रतिक्रिया जशा असतात, त्याची नक्कल एनाली या व्हिडीओत करताना दिसतेय. एनालीने जया बच्चन यांची हुबेहूब नक्कल केली आहे. हा व्हिडीओ सध्या सोशल मीडियावर चांगलाच व्हायरल होतोय. त्यावर नेटकऱ्यांच्या भन्नाट प्रतिक्रिया येत आहेत.
View this post on Instagram
‘फक्त हसण्यासाठी’ असं कॅप्शन देऊन एनालीने हा व्हिडीओ पोस्ट केला आहे. 19 ऑक्टोबर रोजी शेअर झालेल्या या व्हिडीओला आतापर्यंत अडीच लाखांहून अधिक लाइक्स मिळाले आहेत.
‘अगदी कमाल मिमिक्री केलीस’ अशी कमेंट एका युजरने केली. तर ‘पोट धरून हसतोय’ असं दुसऱ्याने म्हटलंय. ‘हा व्हिडीओ ओरिजिनलपेक्षाही खूप चांगला आहे’ अशा शब्दांतही नेटकऱ्यांनी कौतुक केलंय.
जया बच्चन नेहमीच त्यांच्या बेधडक स्वभावासाठी ओळखल्या जातात. त्यांचा तापट स्वभाव ओळखून अनेकदा फोटोग्राफर आणि कॅमेरामनसुद्धा चार हात लांबच राहतात.
