कशी आहे कियारा अडवाणीची सासुरवाडी? सासरे माजी नौदल अधिकारी, तर सासूचे फोटो पाहिलेत का?
या लग्नाला 100 ते 125 पाहुणेच हजर राहणार असल्याचं कळतंय. या लग्नाविषयीची प्रत्येक लहानसहान अपडेट समोर येत असतानाच कियाराची सासुरवाडी कशी आहे, याबद्दल चाहत्यांमध्ये उत्सुकता निर्माण झाली आहे.
मुंबई: बॉलिवूड इंडस्ट्रीतील लोकप्रिय जोड्यांपैकी एक सिद्धार्थ मल्होत्रा आणि कियारा अडवाणी लवकरच लग्नबंधनात अडकणार आहेत. येत्या 6 फेब्रुवारी रोजी हा लग्नसोहळा पार पडणार आहे. सिद्धार्थ आणि कियाराने डेस्टिनेशन वेडिंगसाठी जैसलमेरची निवड केली आहे. जैसलमेरमधील सूर्यगढ पॅलेसमध्ये अत्यंत शाही पद्धतीने हा विवाहसोहळा पार पडणार आहे. या लग्नाला 100 ते 125 पाहुणेच हजर राहणार असल्याचं कळतंय. या लग्नाविषयीची प्रत्येक लहानसहान अपडेट समोर येत असतानाच कियाराची सासुरवाडी कशी आहे, याबद्दल चाहत्यांमध्ये उत्सुकता निर्माण झाली आहे.
सिद्धार्थ पंजाबी आहे आणि तो मूळचा दिल्लीचा आहे. त्याचं शालेय शिक्षणसुद्धा दिल्लीतूनच पूर्ण झालं आहे. सिद्धार्थच्या वडिलांचं नाव सनी माँटी मल्होत्रा आहे, जे माजी नौदल अधिकारी आहेत. तर त्याची आई रिमा मल्होत्रा या गृहिणी आहेत. सिद्धार्थला एक मोठा भाऊसुद्धा आहे. त्याचं नाव हर्षद मल्होत्रा असून तो बँकर आहे. हर्षलने पूर्णिमा मल्होत्राशी लग्न केलं आहे. या दोघांना एक मुलगा असून त्याचं नाव अधिराज मल्होत्रा असं आहे.
View this post on Instagram
सिद्धार्थ आणि कियारा हे गेल्या दोन वर्षांपासून एकमेकांना डेट करत आहेत. ‘शेरशाह’ या चित्रपटात दोघांनी एकत्र काम केलं होतं. या चित्रपटातील दोघांची केमिस्ट्री प्रेक्षकांना खूपच आवडली.
‘लस्ट स्टोरीज’ या चित्रपटाच्या लाँचनिमित्त आयोजित केलेल्या पार्टीत पहिल्यांदा सिद्धार्थ आणि कियाराची भेट झाली. या भेटीत दोघांची चांगली मैत्री झाली आणि हळूहळू या मैत्रीचं रुपांतर प्रेमात झालं. ‘कॉफी विथ करण’ या शोमध्ये सिद्धार्थने अप्रत्यक्षपणे त्याच्या प्रेमाची कबुली दिली होती. आता लवकरच ही जोडी विवाहबंधनात अडकणार आहे.
