Marathi News Entertainment Kisi ka bhai kisi ki jaan star cast fees salman khan pooja hegde shehnaaz gill ram charan
‘किसी का भाई किसी की जान’साठी कलाकारांना मिळालं तगडं मानधन; रामचरणची फी ऐकून थक्क व्हाल!
या चित्रपटात सलमान खानसोबत पूजा हेगडे, शहनाज गिल, पलक तिवारी, भूमिका चावला, व्यंकटेश डग्गुबती, जगपती बाबू, राघव जुयाल, सिद्धार्थ निगम, जस्सी गिल यांच्या भूमिका आहेत. या चित्रपटातील भूमिकेसाठी कलाकारांना किती मानधन मिळालं, ते जाणून घेऊयात..
स्वाती वेमूल |
Updated on: Apr 12, 2023 | 11:03 AM
सलमान खानच्या 'किसी का भाई किसी की जान' या चित्रपटाची प्रेक्षकांमध्ये प्रचंड उत्सुकता आहे. नुकताच या चित्रपटाचा ट्रेलर प्रदर्शित झाला. यामध्ये कलाकारांची मोठी फौज पहायला मिळाली. या चित्रपटात सलमान खानसोबत पूजा हेगडे, शहनाज गिल, पलक तिवारी, भूमिका चावला, व्यंकटेश डग्गुबती, जगपती बाबू, राघव जुयाल, सिद्धार्थ निगम, जस्सी गिल यांच्या भूमिका आहेत. या चित्रपटातील भूमिकेसाठी कलाकारांना किती मानधन मिळालं, ते जाणून घेऊयात..
1 / 9
खुद्द सलमानने या चित्रपटासाठी मोठी फी आकारली आहे. 'किसी का भाई किसी की जान' या चित्रपटातील भूमिकेसाठी त्याने तब्बल 50 कोटी रुपये मानधन घेतल्याचं समजतंय.
2 / 9
या चित्रपटात अभिनेत्री पूजा हेगडेने सलमानच्या प्रेयसीची भूमिका साकारली आहे. या भूमिकेसाठी तिने जवळपास 5 कोटी रुपये आकारल्याचं कळतंय
3 / 9
बिग बॉसच्या तेराव्या सिझनमधून घराघरात पोहोचलेली अभिनेत्री शहनाज गिल या चित्रपटातून बॉलिवूडमध्ये पदार्पण करतेय. रिपोर्ट्सनुसार शहनाजला तिच्या पहिल्या चित्रपटासाठी 50 लाख रुपये मानधन मिळालं आहे.
4 / 9
या चित्रपटात डान्सर राघव जुयालसुद्धा महत्त्वपूर्ण भूमिकेत आहे. चित्रपटात त्याची शहनाज गिलसोबत जोडी दिसणार आहे. या भूमिकेसाठी त्याने 70 लाख रुपये घेतल्याचं समजतंय.
5 / 9
पंजाबी गायक आणि अभिनेता जस्सी गिलसुद्धा या चित्रपटात झळकणार आहे. त्यालासुद्धा राघवइतकंच 70 लाख रुपये मानधन मिळालं आहे.
6 / 9
दाक्षिणात्य चित्रपटसृष्टीतील प्रसिद्ध अभिनेते व्यंकटेश डग्गुबती यामध्ये महत्त्वपूर्ण भूमिकेत आहेत. यासाठी त्यांनी 8 कोटी रुपये मानधन स्वीकारलं आहे.
7 / 9
दाक्षिणात्य चित्रपटसृष्टीतील आणखी एक प्रसिद्ध चेहरा म्हणजे जगपती बाबू. किसी का भाई किसी की जान या चित्रपटातील भूमिकेसाठी त्यांना दीड कोटी रुपये मिळाले आहेत.
8 / 9
सलमान खानच्या या चित्रपटात 'RRR' फेम रामचरणनेही पाहुण्या कलाकाराची भूमिका साकारली आहे. अवघ्या काही मिनिटांच्या या भूमिकेसाठी साऊथ सुपरस्टाने 3 कोटी रुपये मानधन घेतलं आहे.
