सिद्धार्थ-मितालीच्या आयुष्याची नवी सुरुवात; चाहत्यांना सांगितली आनंदाची बातमी

मायानगरी मुंबईत आपलं हक्काचं घर असावं, असं अनेकांचं स्वप्न असतं. मराठी इंडस्ट्रीतील लोकप्रिय जोडी सिद्धार्थ चांदेकर (Siddharth Chandekar) आणि मिताली मयेकर (Mitali Mayekar) यांनी हे आपलं स्वप्न पूर्ण केलं आहे. या दोघांनी मुंबईत हक्काचं घर घेतलं आहे. इन्स्टाग्रामवर फोटो पोस्ट करत या दोघांनी चाहत्यांनी ही आनंदाची बातमी सांगितली. ‘नवी सुरुवात, मुंबईत नवीन घर, मुंबईतील पहिलं हक्काचं घर’, असं कॅप्शन देत दोघांनी फोटो पोस्ट केला आहे. या घराचं रेजिस्ट्रेशन (Home in Mumbai) दोघांनी केलं असून त्यानंतरच त्यांनी हा फोटो काढला आहे. या फोटोमध्ये दोघांच्या अंगठ्यावर शाई पहायला मिळतेय. सिद्धार्थ-मितालीने ही आनंदाची बातमी सांगताच नेटकऱ्यांनी त्यांच्यावर शुभेच्छांचा वर्षाव केला आहे. इंडस्ट्रीतील या दोघांच्या मित्र-मैत्रिणींनीही कमेंट्स करत शुभेच्छा दिल्या आहेत.

‘काही खरं नाही’, अशी कमेंट गौरी नलावडेनं केली. तर ‘तुम्हा दोघांनी केलेल्या मेहनतीचं हे फळ आहे, शुभेच्छा’, असं अभिज्ञा भावेनं लिहिलं. कॉमेडियन ओंकार राऊतने मजेशीर कमेंट केली. ‘शुभेच्छा.. आता माझं घर तुझ्या नावावर करायची गरज नाही’, असं त्याने म्हटलंय. स्पृहा जोशी, ऋतुजा बागवे, समीर विद्वांस, अभिजीत खांडकेकर, निपुण धर्माधिकारी, गौरी नलावले, मृण्मयी गोडबोले, मंजिरी ओक, सखी गोखले, भूषण प्रधान, ऋषी सक्सेना, आदिनाथ कोठारे, हृता दुर्गुळे, आरोह वेलणकर, शाल्व किंजवडेकर यांसारख्या कलाकारांनीही मिताली-सिद्धार्थवर शुभेच्छांचा वर्षाव केला आहे.

सिद्धार्थ-मितालीने फोटो केला पोस्ट-

View this post on Instagram

A post shared by Siddharth Seema Chandekar (@sidchandekar)

View this post on Instagram

A post shared by Mitali Mayekar Chandekar ? (@mitalimayekar)

सिद्धार्थ आणि मितालीचं हे नवीन घर मुंबईत नेमकं कुठे आहे, हे मात्र अद्याप समजू शकलेलं नाही. त्यांनी या घराचा फोटो अद्याप पोस्ट केला नाही. सिद्धार्थ-मितालीने 24 जानेवारी 2021 रोजी पुण्यातील ढेपेवाडा याठिकाणी लग्नगाठ बांधली. लग्नापूर्वी हे दोघं लिव्ह इन रिलेशनशिपमध्ये राहत होते.

हेही वाचा:

मटकीला मोड नाय, Oo Antava च्या मराठी व्हर्जनला तोड नाय! ऐकून लोक म्हणाले ‘कितने तेजस्वी लोग है’

‘ज्या ज्या भागात हिंदू अल्पसंख्य होतील, तिथे तिथे..’; The Kashmir Files बद्दल शरद पोंक्षेंचं रोखठोक मत