Me Vasantrao: ‘चित्रपट पाहताना माझ्या डोळ्यात चक्क पाणी होतं’; रघुनाथ माशेलकरांची प्रतिक्रिया

रसिकप्रेक्षकांच्या मनात घर करणारा ‘मी वसंतराव’ (Me Vasantrao) या चित्रपटाची अद्यापही चित्रपटगृहात यशस्वी घोडदौड सुरु आहे. प्रेक्षक, समीक्षकांपासून सिनेसृष्टीतील कलावंतांपर्यंत सर्वांनीच या चित्रपटावर कौतुकांचा वर्षाव केला. एका ध्येयवेड्या कलाकाराची जीवनकथा पाहून प्रत्येकालाच जगण्याची वेगळी ऊर्जा देणारा हा चित्रपट आहे. ‘मी वसंतराव’ अनेक दिग्गजांच्या पसंतीस उतरत असतानाच पद्मविभूषण शास्त्रज्ञ डॉ. रघुनाथ माशेलकर (Raghunath Mashelkar) हे देखील चित्रपट पाहून भारावून गेले. “माझं गाणं हे माझंच प्रतिबिंब होतं, आहे..” असे म्हणणारे पंडित वसंतराव देशपांडे हे संगीत रंगभूमीवरचे अतिशय नावाजलेले व्यक्तिमत्व. अशा या दिग्गज, हरहुन्नरी, प्रतिभाशाली शास्त्रीय गायकाचा प्रवास ‘मी वसंतराव’या चित्रपटाच्या माध्यमातून उलगडण्यात आला. (Marathi Movie)

‘वसंतराव देशपांडे यांच्याबद्दल मला फार आदर आहे. राहुलमध्ये वसंतराव आहेत हे आज मला या चित्रपटातून जाणवलं. हा चित्रपट पाहताना प्रत्येक टप्प्यावर नवीन पैलू उलगडत जातात. चित्रपटाची निर्मिती, मांडणी इतकी सुंदर आहे की चित्रपट पाहताना माझ्या डोळ्यात चक्क पाणी होतं. ‘मी वसंतराव’ने मला पुढील वीस वर्षांसाठी काम करण्याची ऊर्जा दिली आहे.’ अशी प्रतिक्रिया डॉ. रघुनाथ माशेलकर यांनी दिली आहे.

Watching ‘Me Vasantrao’ was a lifetime experience for me.

This gripping biopic of legendary Vasantrao Despande is a ‘must see’ for the amazing performance by @deshpanderahul brilliant direction by @NiDharm & world-class maiden production by @jiostudios pic.twitter.com/x9GEyI3Lp9

— Raghunath Mashelkar (@rameshmashelkar) April 14, 2022

निपुण धर्माधिकारी दिग्दर्शित ‘मी वसंतराव’ हा काही दिवसांपूर्वी चित्रपटगृहात प्रदर्शित झाला असून जिओ स्टुडिओज प्रस्तुत या चित्रपटात राहुल देशपांडे, अनिता दाते, पुष्कराज चिरपुटकर, कौमुदी वालोकर आणि अमेय वाघ यांच्या प्रमुख भूमिका आहेत.

हेही वाचा:

KGF Chapter 2 Box Office Collection: ‘केजीएफ 2’ची पहिल्याच दिवशी बंपर कमाई; यशने स्वत:च्याच चित्रपटाचा मोडला विक्रम

VIDEO: ‘चंद्रमुखी’ची नवी लावणी चुकवणार प्रेक्षकांच्या काळजाचा ठोका