प्रसिद्ध दाक्षिणात्य अभिनेत्याने अनुषा शेट्टीशी बांधली लग्नगाठ; बेंगळुरूत पार पडला विवाहसोहळा

बेंगळुरू: प्रसिद्ध दाक्षिणात्य अभिनेता नाग शौर्य याने प्रेयसी अनुषा शेट्टीशी लग्नगाठ बांधली. रविवारी बेंगळुरूमध्ये हा विवाहसोहळा पार पडला. नाग शौर्यने इन्स्टाग्रामवर लग्नाचा फोटो पोस्ट केला आहे. तर लग्नसोहळ्यातील काही व्हिडीओसुद्धा सोशल मीडियावर व्हायरल झाले आहेत. यावेळी जवळचे कुटुंबीय आणि मित्रपरिवार उपस्थित होता.

बेंगळुरूमधल्या एका हॉटेलमध्ये शौर्य आणि अनुषाच्या लग्नापूर्वीचे कार्यक्रम पार पडले. या कार्यक्रमात शौर्यने निळ्या रंगाचा कुर्ता परिधान केला होता. तर अनुष्काने फ्लोरल लेहंग्याची निवड केली होती. तेलुगू फिल्म इंडस्ट्रीतील मित्रमैत्रिणींसाठी आणि सहकाऱ्यांसाठी हैदराबादमध्ये नाग शौर्य रिसेप्शनचं आयोजन करणार असल्याचं कळतंय. नाग शौर्यची पत्नी अनुषा ही इंटेरिअर डिझायनर आहे. गेल्या काही वर्षांपासून हे दोघं एकमेकांना डेट करत आहेत.

हे सुद्धा वाचा

दुसऱ्या डिलिव्हरीनंतर डेबिनाची झाली अशी अवस्था; फोटो केले पोस्ट

बॉलिवूड चित्रपट फ्लॉप होण्याबद्दल सैफचं मत चर्चेत; म्हणाला “अभिनेत्यांची फी इतकी..”

Drishyam 2: अवघ्या 3 दिवसांत ‘दृश्यम 2’ने भरून काढला बजेट; पहिल्या वीकेंडला तुफान कमाई

‘गँग्स ऑफ वासेपूर’ फेम अभिनेत्यावर फसवणुकीचा आरोप, FIR दाखल

View this post on Instagram

A post shared by Naga Shaurya (@actorshaurya)

शौर्यने 2011 मध्ये ‘क्रिकेट, गर्ल्स अँड बीअर’ या चित्रपटातून करिअरची सुरुवात केली होती. राष्ट्रीय पुरस्कार विजेता चित्रपट ‘चंदामामा कथलू’मध्येही त्याने भूमिका साकारली आहे. ‘ओ बेबी’ या चित्रपटात त्याने समंथा रुथ प्रभूसोबत स्क्रीन शेअर केला होता. नाग शौर्य लवकरच ‘रंगबली’ या चित्रपटातून प्रेक्षकांच्या भेटीला येणार आहे. याआधी तो शर्ली सेठियासोबत ‘कृष्णा वृंदा विहारी’ या चित्रपटात झळकला होता.

Congrats to new couple #NagaShaurya and #AnushaShetty on entering into new phase of life together ?@IamNagashaurya #NagaShauryaWedsAnushaShetty pic.twitter.com/s6U2hoFf00

— Vamsi Kaka (@vamsikaka) November 20, 2022

#NagaShaurya fills his new bride #AnushaShetty‘s maang for the first time ?#NagaShauryaWedsAnushaShetty #LetsGoShaan #Tollywood #TollywoodActor #telugu #telugucinema #KrackFlicks pic.twitter.com/ex09BZgTeC

— Krack Flicks (@KrackFlicks) November 20, 2022

लग्नाच्या तीन दिवस आधी नाग शौर्य त्याच्या आगामी ‘एन एस 24’ या चित्रपटाचं शूटिंग करताना बेशुद्ध पडला होता. चित्रपटातील ॲक्शन सीनदरम्यान परफेक्ट बॉडी दिसण्यासाठी तो नो वॉटर डाएट करत होता, अशीही माहिती होती. म्हणजेच तो कोणत्याही प्रकारचे द्रव्य पदार्थांचं सेवन करत नव्हता. नॉन-लिक्विड डाएट आणि सिक्स-पॅक ॲब्ससाठी तासनतास जिममध्ये व्यायाम केल्याने त्याची तब्येत बिघडली होती.