National Awards | राष्ट्रीय पुरस्कार पटकावल्याचा आनंद.. पहा सेलिब्रिटींची खास क्षणचित्रे
69 व्या राष्ट्रीय पुरस्कारांचं वितरण मंगळवारी नवी दिल्लीत पार पडलं. यावेळी राष्ट्रपती द्रौपदी मुर्मू यांच्या हस्ते अल्लू अर्जुन, पंकज त्रिपाठी, पल्लवी जोशी, क्रिती सनॉन, आलिया भट्ट यांनी पुरस्कार स्वीकारला. पहा या पुरस्कार सोहळ्याची काही खास क्षणचित्रे...
मंगळवारी 17 ऑक्टोबर रोजी दिल्लीतील विज्ञान भवनामध्ये झालेल्या 69 व्या राष्ट्रीय पुरस्कार वितरण सोहळ्यात राष्ट्रपती द्रौपती मुर्मू यांच्या हस्ते विजेत्यांनी पुरस्कार स्वीकारला. या पुरस्कार सोहळ्यानंतर कलाकारांनी सोशल मीडियावर खास क्षणांचे फोटो पोस्ट केले आहेत.
1 / 7
अभिनेत्री आलिया भट्टला 'गंगुबाई काठियावाडी' या चित्रपटातील भूमिकेसाठी सर्वोत्कृष्ट अभिनेत्रीचा राष्ट्रीय पुरस्कार प्रदान करण्यात आला. या पुरस्कार सोहळ्यात तिने नेसलेल्या साडीचीही विशेष चर्चा झाली. आलियाने तिच्या लग्नातील साडी राष्ट्रीय पुरस्कार स्वीकारताना नेसली होती.
2 / 7
आलियाने तिच्या लग्नात जी पांढरी साडी नेसली होती, तिच साडी तिने राष्ट्रीय पुरस्कार वितरण सोहळ्यात नेसली. आलियासाठी हा क्षण अत्यंत खास होता. म्हणूनच ही खास साडी तिने नेसली होती.
3 / 7
मिमी या चित्रपटातील भूमिकेसाठी अभिनेत्री क्रिती सनॉनला सर्वोत्कृष्ट अभिनेत्रीचा राष्ट्रीय पुरस्कार आलियासोबत विभागून मिळाला. क्रितीच्या कामगिरीवर आईवडिलांना वाटत असलेला अभिमान या फोटोत स्पष्ट पहायला मिळत आहे.
4 / 7
लक्ष्मण उतेकर दिग्दर्शित मिमी या चित्रपटात क्रितीने सरोगेट आईची भूमिका साकारली होती. तिच्या या भूमिकेचं प्रेक्षक-समिक्षकांकडून प्रचंड कौतुक झालं होतं. यामध्ये तिच्यासोबत काम केलेल्या पंकज त्रिपाठी यांनासुद्धा सहाय्यक भूमिकेसाठी राष्ट्रीय पुरस्कार मिळाला.
5 / 7
दाक्षिणात्य सुपरस्टार अल्लू अर्जुनलाही 'पुष्पा : द राईज' या चित्रपटातील भूमिकेसाठी सर्वोत्कृष्ट अभिनेत्याचा राष्ट्रीय पुरस्कार प्रदान करण्यात आला. राष्ट्रीय पुरस्कार पटकावणारा तो पहिला दाक्षिणात्य अभिनेता ठरला आहे.
6 / 7
पुरस्कार स्वीकारण्यासाठी मंचावर जाण्याआधी आलियाने आधी मंचाला स्पर्श करत वंदन केलं आणि त्यानंतर ती पुढे गेली. राष्ट्रपती द्रौपती मुर्मू यांच्या हस्ते जेव्हा तिला पुरस्कार प्रदान करण्यात आला तेव्हा प्रेक्षकांमध्ये बसलेल्या रणबीर कपूरने आपल्या मोबाइल फोनमध्ये तिचा व्हिडीओ शूट केला.
