Nita Ambani | ‘आजीच राहा, आई होवू नकोस…’ जेव्हा नीता अंबानी यांना मुलगा असं म्हणतो…
'घरो घरी मतीच्या चुली...', अंबानी यांच्या घरात देखील चिमुकल्यांमुळे उडतात खटके.... यावर नीता अंबानी म्हणतात, 'मला आता फक्त...', सध्या सर्वत्र नीता यांच्या आजीच्या भूमिकेची चर्चा
मुंबई : भारतातील सर्वात प्रभावशाली महिला आणि जगातील प्रसिद्ध उद्योजक मुकेश अंबानी यांच्या पत्नी नीता अंबानी यांना आज कोणत्याही ओळखीची गरज नाही. नीता अंबानी रिलायन्स फाऊंडेशनच्या संस्थापक आणि अध्यक्षा आहेत. शिवाय धीरूभाई अंबानी इंटरनेशनल स्कूलची जबाबदारी देखील नीता यांच्या खांद्यावर आहे. नीता अंबानी कायम त्यांच्या प्रोफेशनल आणि खासगी आयुष्यामुळे चर्चेत असतात. गेल्या काही दिवसांमध्ये नीता अंबानी यांनी त्यांच्या खासगी आयुष्यातील अनेक गोष्टी सांगितल्या. नीता अंबानी यांनी उद्योजिका, मुलगी, पत्नी, आई.. या भूमिका पार पाडल्या… आता नीता अंबानी जीवनातील सर्वात महत्त्वाची भूमिका म्हणजे आजीच्या भूमिकेत आहेत. नीता अंबानी आता कुटुंबातील तीन चिमुकले पृथ्‍वी, कृष्‍णा आणि आदिया यांच्या आजी आहे..
एका मॅगझिनच्या मुलाखतीत नीता अंबानी यांनी आजीच्या भूमिकेत असल्यानंतर येणाऱ्या अनुभवांबद्दल वक्तव्य केलं आहे.. मुलाखतीत नीता अंबानी यांनी सांगितलं की, मुलगा आकाश अंबानी सतत त्यांना सांगतो, ‘तू आता आजी आहेस, तर आई होवू नको.. मुलांवर आजी म्हणून प्रेम कर…’ शिवाय, नीता अंबानी म्हणाल्या, ‘मला आता माझ्या मुलांना त्यांचं मुलांचा सांभाळ करण्यासाठी स्पेस दिली पाहिजे… मला त्यांच्यावर आई म्हणून नाही तर, आता आजी म्हणून प्रेम करायचं आहे..’
पुढे नीता अंबानी म्हणाल्या, ‘मला आता नातवंडांना धाकात नाही ठेवायला पाहिजे.. हे त्यांच्या पालकांचं काम आहे… मला माझ्या मुलांच्या वेळेची खूप काळजी वाटायची. आजी म्हणून माझं काम फक्त मुलांना अपार प्रेम देणं आहे. मुलं कायम मोठ्यांचं अनुकरण करत असतात. मला वाटतं की आजी या नात्याने घरातील चिमुकल्यांना मूल्ये शिकवणे ही माझी जबाबदारी आहे.’ असं देखील नीता अंबानी म्हणाल्या..
मुलाखतीत नीता यांनी त्यांच्या आजी – आजोबांसोबत असलेल्या आठवणी देखील ताज्या केल्या… नीता म्हणाल्या, ‘मी एकत्र कुटुंबात राहिली आहे.. माझे आजोबा फ्रेंच प्रोफेसर होते. आणि ते बिर्लांसाठी काम करायचे.. माझी आजी देखील कठोर आणि शिस्तप्रिय होती…’ सध्या सर्वत्र नीता अंबानी आणि त्यांच्या आजीच्या भूमिकेची चर्चा रंगत आहे..
नीता अंबानी यांच्या दोन मुलांचं लग्न झालं आहे. आकाश अंबानी आणि ईशा अंबानी यांचं लग्न झालं आहे. तर अंबानी कुटुंबातील लहान मुलगा म्हणजे अनंत यांचं लवकरच राधिका मर्चेंट यांच्यासोबत लग्न होणार आहे. तर अंबानी कुटुंबाची मोठी सून श्लोका मेहता दुसऱ्यांदा आई होणार आहेत. तर ईशा अंबानी यांना देखील जुळी मुलं आहेत.
