Sonu Nigam | सोनू निगमला वाचवताना जखमी झालेला रब्बानी खान आहे तरी कोण? का होतेय इतकी चर्चा?
रब्बानीने धक्काबुक्कीदरम्यान सोनू निगमला वाचवलं खरं, मात्र त्यात तो स्वत: जखमी झाला. हा व्हिडीओ सध्या सोशल मीडियावर जोरदार व्हायरल होत आहे. या व्हिडीओत सोनू निगमला वाचवणारा रब्बानी खान आहे तरी कोण, असा प्रश्न नेटकऱ्यांना पडला आहे.
मुंबई: चेंबूरमध्ये सोमवारी रात्री लाइव्ह कॉन्सर्टनंतर गायक सोनू निगमसोबत धक्काबुक्कीची घटना घडली. शिवसेना ठाकरे गटाचे आमदार प्रकाश फातर्पेकर यांचा पुत्र स्वप्निल फातर्पेकरला सोनू निगमसोबत सेल्फी क्लिक करायचा होता. मात्र त्यावेळी बॉडीगार्डने अडवल्यामुळे त्याने धक्काबुक्की केली. यावेळी सोनू निगमला वाचवण्यासाठी त्याचा मित्र रब्बानी खान समोर आला. रब्बानीने धक्काबुक्कीदरम्यान सोनू निगमला वाचवलं खरं, मात्र त्यात तो स्वत: जखमी झाला. हा व्हिडीओ सध्या सोशल मीडियावर जोरदार व्हायरल होत आहे. या व्हिडीओत सोनू निगमला वाचवणारा रब्बानी खान आहे तरी कोण, असा प्रश्न नेटकऱ्यांना पडला आहे.
रब्बानी मुस्तफा खान हा सोनू निगमचा मित्र आणि बॉलिवूड गायक आहे. धक्काबुक्कीच्या घटनेवेळी तो सोनूसोबतच होता. जेव्हा सोनूसोबत सेल्फी घेण्यावरून धक्काबुक्की करण्यात आली, तेव्हा रब्बानीने त्याला वाचवण्याचा प्रयत्न केला आणि स्वत: पायऱ्यांवरून खाली पडला. पायऱ्यांवरून पडल्याने त्याला दुखापतही झाली. रब्बानीला रुग्णालयात दाखल करण्यात आलं आणि उपचारानंतर त्यांना डिस्चार्ज मिळाला.
पहा धक्काबुक्कीचा व्हिडीओ
Singer Sonu Nigam who raised his voice about Azan Loudspeakers attacked by Janab Uddhav Thackeray MLA Prakash Phaterpekar and his goons in music event at Chembur. Sonu has been taken to the hospital nearby. pic.twitter.com/32eIPQtdyM
— Sameet Thakkar (@thakkar_sameet) February 20, 2023
कोण आहे रब्बानी खान?
रब्बानी मुस्तफा खान हा प्रसिद्ध गायक उस्ताद गुलाम मुस्तफा खान यांचा मुलगा आहे. आपल्या वडिलांच्या गायकीचा वारसा तो पुढे चालवत आहे. रब्बानीने ‘सरबजीत’ या चित्रपटातील ‘अल्लाह हू अल्लाह’ आणि ‘फौजी कॉलिंग’मधील ‘पीर मेरी पिया जाने ना’ ही गाणी गायली आहेत. या दोन्ही गाण्यांमुळे त्याला संगीतविश्वात ओळख मिळाली.
नेमकं काय घडलं होतं?
“माझ्याकडे एक व्यक्ती सेल्फीसाठी आली होती. मी नकार दिल्यानंतर त्याने मला अडवलं. नंतर समजलं की तो आमदार प्रकाश फातर्पेकर यांचा मुलगा स्वप्निल फातर्पेकर आहे. मला वाचवण्यासाठी हरीप्रसाद मध्ये आले. त्याने त्यांनाही धक्का दिला, त्यानंतर मला धक्का दिला. धक्क्यामुळे मी खाली पडलो. मला वाचवण्यासाठी रब्बानी पुढे आले तर त्यांनाही धक्का दिला. ते थोडक्यात बचावले, नाहीतर त्यांना गंभीर दुखापत झाली असती. त्यात त्यांचे प्राणही जाऊ शकले असते. रब्बानी यांचं नशिब चांगलं होतं की खाली कोणती लोखंडी वस्तू नव्हती”, असं सोनू निगमने सांगितलं.
