Sushant Singh Rajput: सुशांतच्या मृत्यूच्या अडीच वर्षानंतर कुटुंबातील ‘या’ खास सदस्याचं निधन
सुशांतची बहीण प्रियांकाने सोशल मीडियावर फोटो पोस्ट करत ही दु:खद बातमी दिली. त्यावर सुशांतच्या चाहत्यांनी शोक व्यक्त केला आहे.
मुंबई: जवळपास अडीच वर्षापूर्वी अभिनेता सुशांत सिंह राजपूतने या जगाचा निरोप घेतला. त्यानंतर आता त्याच्या कुटुंबातील एका सदस्याने आपले प्राण गमावले आहेत. हा सदस्य सुशांतचाही लाडका होता. सुशांतचा पाळीत कुत्रा फज याचं निधन झालं आहे. सुशांतची बहीण प्रियांकाने सोशल मीडियावर फोटो पोस्ट करत ही दु:खद बातमी दिली. त्यावर सुशांतच्या चाहत्यांनी शोक व्यक्त केला आहे. सुशांतचे फजसोबतचे फोटो आणि व्हिडीओ शेअर करत चाहते त्यांच्या भावना व्यक्त करत आहेत. सुशांतच्या निधनानंतर फजसुद्धा एकाकी राहू लागला होता.
सुशांतची बहीण प्रियांका सिंगने ट्विटरवर फजचे दोन फोटो शेअर केले आहेत. या फोटोंसोबत तिने लिहिलं, ‘फज, अखेर तू सुद्धा तुझ्या मित्राकडे स्वर्गात निघून गेलास, लवकरच भेटीन. तोपर्यंत माझ्यावर दु:खाचा डोंगर कोसळला आहे.’ फजचा 21 जानेवारी रोजी वाढदिवस आहे. मात्र त्याआधीच त्याने या जगाचा निरोप घेतला.
प्रियांकाच्या या पोस्टवर अनेकांनी कमेंट्स करत दु:ख व्यक्त केलं आहे. ‘माझं मन खूप दुखावलंय. स्वर्गात त्या दोघांची पुन्हा भेट होईल अशी आशा आहे. फज आणि सुशांत एकमेकांना खूप चांगल्याप्रकारे समजून घ्यायचे’, असं एका युजरने लिहिलं. तर ‘हे वाचून मला खूप वाईट वाटतंय. यात समाधानाची एकच गोष्ट आहे, ती म्हणजे फज आता त्याच्या मित्राकडे गेला आहे’, असं दुसऱ्याने म्हटलं आहे.
So long Fudge! You joined your friend’s Heavenly territory… will follow soon! Till then… so heart broken ? pic.twitter.com/gtwqLoELYV
— Priyanka Singh (@withoutthemind) January 16, 2023
फजसोबत सुशांतची खूप चांगली मैत्री होती. तो फजला त्याच्यासोबत ट्रिपलाही घेऊन जायचा. सुशांतच्या निधनानंतर फज एकाकी राहू लागला आणि काही दिवस त्याने खाणं-पिणंही सोडलं होतं. सुशांतचे कुटुंबीय त्याला आपल्यासोबत घेऊन गेले होते. सुशांतचे आणखी तीन पाळीव कुत्रे होते. अमर, अकबर आणि अँथनी अशी त्यांची नावं होती. या तिन्ही कुत्र्यांना नंतर दुसऱ्यांनी दत्तक घेतलं. सुशांतने या पाळीव कुत्र्यांसाठी फार्महाऊस घेण्याचाही प्लॅन केला होता.
“If you remember me, then I don’t care if everyone else forgets.”#mylove #Fudge ?❤️ ~ Kafka on the Shore#murakami pic.twitter.com/LZAURReLg7
— Sushant Singh Rajput (@itsSSR) December 14, 2018
2018 मध्ये सुशांतने फजसाठी हृदयस्पर्शी पोस्ट लिहिली होती. फजचा फोटो शेअर करत त्याने इन्स्टाग्राम अकाऊंटवर लिहिलं होतं, ‘जर मी तुझ्या लक्षात असेल तर दुसरी कोणतीही व्यक्ती मला विसरल्याने फरक पडणार नाही. माझं प्रेम.. माझा फज.’
14 जून 2020 रोजी मुंबईतील वांद्रे इथल्या राहत्या घरात सुशांत मृतावस्थेत आढळला होता. त्याच्या मृत्यूप्रकरणाचा तपास सध्या सीबीआय करत आहे.
