Bigg Boss 16 | टीव्हीवर साजिद खानला पाहून ‘ही’ गायिका भडकली, म्हणाली की…

मुंबई : रिअॅलिटी शो बिग बॉस 16 (Bigg Boss 16) ची धडाक्यात सुरूवात झालीये. सुरूवातीपासूनच बिग बॉस 16 ची चर्चा होती. शिल्पा शेट्टीचा पती राज कुंद्रा देखील बिग बॉस 16 मध्ये सहभागी होणार असे सांगितले जात होते. मात्र, बाॅलिवूडमधील (Bollywood) वादग्रस्त असलेले नाव साजिद खान बिग बॉस 16 मध्ये सहभागी झालंय. साजिद खानच्या बिग बॉसमधील सहभागानंतर अनेकांनी भुवया उंचावल्या आहेत. इतकेच नाही तर अनेकजण आता सोशल मीडियावर (Social media) पोस्ट शेअर करत आपला राग व्यक्त करतायत.

साजिद खान गेल्या 5 वर्षांपासून लाइमलाइटपासून दूर आहे. साजिद खानच्या बिग बॉस 16 मधील सहभागानंतर अनेकांनी थेट चॅनलवर निशाना साधलाय. सोना महापात्राने तर सोशल मीडियावर पोस्ट शेअर करत चॅनलचा चांगलाच समाचार घेतलाय. सोना महापात्राने पोस्ट शेअर करत म्हटले की, हा साजिद खान आहे…जो एका रिअॅलिटी शोमध्ये सहभागी झालाय.

पुढे सोना महापात्राने लिहिले की, कैलाश खेर देखील आता टीव्ही सेलिब्रिटी बनलाय. इतकेच नाही तर अनु मलिक देखील रिअॅलिटी शोमध्ये जज म्हणून काम करतोय…विशेष म्हणजे या तीन जणांवर देखील अनेक महिलांनी MeToo चे आरोप केले आहेत. खरोखरच चॅनलच्या या सर्व प्रकारांमुळे धक्काच बसतोय. साजिद खानवर अनेक आरोप आहेत, त्यापैकी मुख्य म्हणजे अनेकदा साजिदवर MeToo चे आरोप झाले आहेत.

बिग बॉस 16 मध्ये सहभागी झालेले साजिद खान नेमके काय खुलासे करतात. याकडे सर्वांचे लक्ष लागले आहे. कारण सुरूवातीपासूनच साजिद खान आणि वाद हे समीकरण राहिलेलेच आहे. सोना महापात्राच्या या पोस्टनंतर आता चर्चांना उधाण आलंय. साजिद खान बिग बॉसमध्ये सहभागी होणार हे कोणालाच माहिती नव्हते. बिग बॉसच्या घरात साजिद खानला पाहून अनेकांना मोठा धक्काच बसलाय.