‘कसौटी’च्या अनुरागला 44 व्या वर्षीं ‘प्रेरणा’ सापडली, सिजेन खानचं बिर्याणीवालं प्रपोज कसं ठरलं हिट?
प्रसिध्द टीव्ही अभिनेते सिजेन खान (Cezanne Khan) लवकरच लग्नाच्या बेडीमध्ये अडकणार आहेत. एका मुलाखतीमध्ये त्यांनी सांगितले की, यावर्षी ते गर्लफ्रेंड (Girlfriend) अफसीनसोबत लग्न (Married) करणार आहेत. सिजेन आणि अफशीन गेल्या तीन वर्षांपासून एकमेंकांना डेट करत आहेत.
मुंबई : प्रसिध्द टीव्ही अभिनेते सिजेन खान (Cezanne Khan) लवकरच लग्नाच्या बेडीमध्ये अडकणार आहेत. एका मुलाखतीमध्ये त्यांनी सांगितले की, यावर्षी ते गर्लफ्रेंड (Girlfriend) अफसीनसोबत लग्न (Married) करणार आहेत. सिजेन आणि अफशीन गेल्या तीन वर्षांपासून एकमेंकांना डेट करत आहेत. सिजेन खान हे 44 वर्षांचे आहेत. घरा-घरामध्ये पोहचलेली फेमस टीव्ही सीरियल कसौटी जिंदगी की या मालिकेमध्ये अनुराग बसूची भूमिका करताना सिजेन खान यांना प्रसिध्दी मिळाली.
44 व्या वर्षीं लग्न करण्याचा निर्णय घेतला!
अफशीनने 2020 मध्ये सिजेन खान यांच्यासाठी खास बिर्याणी तयार केली होती. त्यानंतर ती बिर्याणी खाल्ल्यानंतरच सिजेन हे अफशीनच्या प्रेमामध्ये पडले आणि त्यानंतर अफशीनला प्रपोज केला. अफशीन ही मूळ उत्तर प्रदेशातील अमरोहा येथील आहे. विशेष म्हणजे अफशीन आणि सिजेन यांना 2020 मध्ये लग्न करायचे होते. मात्र, कोरोनामुळे त्यांना लगेचच लग्न करणं शक्य झालं नाही. सिजेन यांनी टाईम्स ऑफ इंडियाला बोलताना सांगितले की, आम्ही तीन वर्षांपासून एकत्र आहोत आणि आनंदी आहोत.
लग्नासाठी हवी असलेली मनासारखी मुलगी शेवटी भेटलीच
कोरोना असल्यामुळे आम्ही लग्न करणे शक्य झाले नाही. यावर्षींच्या शेवटी आम्ही लग्न करण्याचा विचार करतो आहोत. पण मला असे वाटते की, लग्न करण्यासाठी कोणत्याही विशिष्ट वयाची अजिबात गरज नाहीये. मला लग्नाची घाई करायची नव्हती. मी अशा व्यक्तीच्या शोधात होतो जी साधी आणि प्रामाणिक असेल. तसेच तिने कुटुंब आणि नातेसंबंध व्यवस्थित सांभाळायला हवेत आणि ती मला अखेर अफशीनच्या स्वरूपात भेटली. तसेच पुढे बोलताना सिजेन म्हणाले की, अफसीन बिर्यानी एकच नंबर तयार करते.
संबंधित बातम्या :
