पवित्रा पुनिया-एजाज खानने केला साखरपुडा? वाचा पोस्ट…
नुकताच पवित्रा पुनियाने तिच्या इंस्टाग्रामवर एक स्टोरी शेअर केलीये. ही स्टोरी पाहून पवित्रा आणि एजाजचे चाहते आनंदात आहेत.
मुंबई : बिग बॉसच्या 14 (Bigg Boss 14) व्या सीजनची आठवण काढली की, सर्वात अगोदर एजाज खान आणि पवित्रा पुनियाचे नाव आपल्या तोंडात येते. एजाज खान आणि पवित्राची केमिस्ट्री सर्वांनाच आवडली. दोघांनीही बिग बॉसच्या घरातच आपले प्रेम (Love) देखील व्यक्त केले होते. पवित्रा आणि एजाजने बिग बॉसच्या घरात भांडणेही जोरदार केली आहेत. गेल्या अनेक दिवसांपासून चर्चा सुरू आहेत की, पवित्रा आणि एजाज खान लवकरच लग्न बंधनात अडकणार आहेत. पवित्राने सोशल मीडियावर (Social media) शेअर केलेल्या एका फोटोमुळे तर आता चर्चांना उधाणच आलंय.
#BiggBoss14 ke ghar se jeeti @eijazkhan aur @pavitrapunia_ ne pyaar ki trophy ?❤️
Couple goals set karti hai yeh nayi jodi ?❤️??#pavijaz #EjazKhan #PavitraPunia #BB14 pic.twitter.com/GiALqLRJCP
— JioTV+ (@jiotvplus) January 9, 2021
नुकताच पवित्रा पुनियाने तिच्या इंस्टाग्रामवर एक स्टोरी शेअर केलीये. ही स्टोरी पाहून पवित्रा आणि एजाजचे चाहते आनंदात आहेत. या फोटोमध्ये पवित्राने तिच्या हातातील अंगठीकडे सर्वांचे लक्ष वेदले आहे. यासोबतच पवित्रा खूप जास्त खुश देखील दिसत आहे. आता पवित्राची ही पोस्ट सोशल मीडियावर तूफान व्हायरल होताना दिसत आहे. यामुळे असा एक अंदाज बांधला जातोय की, पवित्रा आणि एजाज लवकरच लग्न करणार आहेत.
विशेष म्हणजे पवित्राने हा फोटो शेअर करताना फोटोवर टॅक्स्टमध्ये लिहिले की, whattttttttttt!!!!!!!??????’ यामुळे सर्वांनाच वाटते आहे की, पवित्राला ही अंगठी एजाज खानने दिलीये आणि त्यांचा साखरपुडा झालाय. अनेकदा पवित्रा आणि एजाज खानसोबत स्पाॅट देखील होतात. एजाज आणि पवित्राची फॅन फाॅलोइंग देखील जबरदस्त असून चाहते आता यांच्या लग्नाची वाट पाहात आहेत.
