19 वर्षीय टिकटॉकर झाली एकता कपूरची हिरोईन; सोशल मीडिया इन्फ्लुएन्सर रातोरात बनली स्टार
एकता कपूरच्या मोलक्की या मालिकेच्या दुसऱ्या सिझनमध्ये विधी भूमीची मुख्य भूमिका साकारतेय. तिच्या या भूमिकेला प्रेक्षकांकडून चांगला प्रतिसाद मिळतोय. याआधीही बऱ्याच सोशल मीडिया इन्फ्लुएन्सर्सना मालिका, चित्रपट आणि वेब सीरिजमध्ये भूमिका मिळाल्या आहेत.
स्वाती वेमूल |
Updated on: Mar 10, 2023 | 12:56 PM
सोशल मीडियामुळे अनेकांचं नशीब रातोरात बदललं. काहींना मालिकेत काम करण्याची संधी मिळाली तर काहींना चित्रपटांमध्ये काम करायला मिळालं. अशीच एक संधी 19 वर्षीय विधी यादवला मिळाली आहे. टिकटॉक व्हिडीओमुळे विधी प्रकाशझोतात आली होती.
1 / 5
भारतात टिकटॉकवर बंदी आणल्यानंतर तिने इन्स्टाग्राम अकाऊंटवर व्हिडीओ पोस्ट करण्यास सुरुवात केली. इन्स्टाग्रामवर तिचे तीन दशलक्षांहून अधिक फॉलोअर्स आहेत. आता विधीला एकता कपूरच्या मालिकेची मोठी ऑफर मिळाली आहे.
2 / 5
एकता कपूरच्या मोलक्की या मालिकेच्या दुसऱ्या सिझनमध्ये विधी भूमीची मुख्य भूमिका साकारतेय. तिच्या या भूमिकेला प्रेक्षकांकडून चांगला प्रतिसाद मिळतोय. याआधीही बऱ्याच सोशल मीडिया इन्फ्लुएन्सर्सना मालिका, चित्रपट आणि वेब सीरिजमध्ये भूमिका मिळाल्या आहेत.
3 / 5
'मोलक्की- रिश्तों की अग्निपरीक्षा' या मालिकेचा दुसरा सिझन नुकताच प्रेक्षकांच्या भेटीला आला आहे. "या मालिकेचा भाग बनून मी खूप खुश आहे. या मालिकेच्या पहिल्या सिझनला खूप चांगला प्रतिसाद मिळाला होता. आता मलासुद्धा प्रेक्षकांकडून खूप प्रेम मिळेल अशी अपेक्षा आहे", अशी प्रतिक्रिया विधीने दिली.
4 / 5
मोलक्की 2 या मालिकेत विधी ही अभिनेता आशिष कपूरसोबत मुख्य भूमिका साकारत आहे. याशिवाय मालिकेत विवान मुद्गल, शहाब खान, अंकित व्यास, पियाली मुंशी आणि भव्य सचदेव यांच्याही भूमिका आहेत.
