‘माझ्या आयुष्यात ते सर्वकाही नव्हतंच…’, अरबाज खान सोबत घटस्फोटानंतर मलायका अरोराने सांगितलेलं मोठं सत्य
Arbaaz Khan : 'माझ्या आयुष्यात ते सर्वकाही नव्हतंच...', लग्नाच्या 18 वर्षांनंतर मलायका - अरबाज यांनी संपवलं होतं नातं, घटस्फोटानंतर मलायका हिने सांगितलं होतं मोठं सत्य... अभिनेत्याने थाटला दुसरा संसार...
मुंबई | 25 डिसेंबर 2023 : एक काळ असा होता जेव्हा अभिनेता अरबाज खान आणि अभिनेत्री मलायका अरोरा चाहत्यांना कपल गोल्स देत होतं. अनेक वर्ष एकमेकांना डेट केल्यानंतर मलायका – अरबाज यांनी लग्न करण्याचा निर्णय घेतला. पण दोघांचं नातं फक्त 18 वर्ष टिकलं. घटस्फोटाच्या 6 वर्षांनंतर अरबाज खान याने 41 वर्षीय शूरा खान हिच्यासोबत नव्या आयुष्याला सुरुवात केली आहे. अरबाज – शूरा यांचे फोटो देखील सोशल मीडियावर चर्चेत आहे. लग्न अरबाज याने केलं, पण मलायका देखील चर्चेत आली आहे. दरम्यान एक मुलाखतीत अभिनेत्रीने घटस्फोटाबद्दल मोठा खुलासा केला होता.
मलायका अरोरा हिच्या यशामागे खान या नावंचं मोठं श्रेय आहे का? असा प्रश्न मलायका हिला विचारण्यात आला होता. यावर उत्तर देत अभिनेत्री म्हणाली, ‘नावाचा फायदा मला नक्की झाला, पण याच फॅक्टसोबत मी राहू शकत नव्हती की माझ्या नावापुढे एक प्रसिद्ध आडनाव आहे…’
‘मला नव्हतं वाटत की माझ्या आयुष्यात तेच सर्वकाही आहे, जे मला करायचं होतं. खान नावामुळे माझ्यासाठी अनेक दरवाजे खुले झाले होते. पण अखेर मला वाटू लागलं की मला खान या नावा शिवाय काम करायचं आहे आणि इंडस्ट्रीमध्ये कायम राहण्यासाठी अधिक मेहनत मला करावी लागणार आहे…’
पुढे मलायका म्हणाली, ‘रोज मला स्वतःला सिद्ध करुन दाखवायचं होतं. जेव्हा माझ्या नावापुढे खान आडनाव लागलं होतं तेव्हा आणि मी जेव्हा खान नावा शिवाय माझ्या घरी आली… अशा दोन्ही परिस्थितीत मी काम करत होती… तू खान आडनाव सोडून फार मोठी चूक करत आहेस… हे देखील मला अनेकांनी सांगितलं… ‘
‘खान या आडनावाचं इंडस्ट्रीमध्ये काय महत्त्व आहे, हे तुला माहिती नाही. माझ्या पूर्वीच्या सासरच्या मंडळींसाठी माझ्या मनात प्रेम आहे. त्यांच्याकडून मला भरपूर प्रेम मिळालं. माझा एक मुलगा आहे आणि मी कुटुंबाचा एक भाग आहे. पण मला माझ्या आडनावाच्या जोरावर बॉलिवूडमध्ये उभं राहायचं होतं.’
‘गोष्ट फक्त आडनावापर्यंत मर्यादित नव्हतं… मी माझ्या माहेरी आली तेव्हा मला कळलं की मी काही तरी करु शकते…’ सध्या सर्वत्र फक्त आणि फक्त मलायका अरोरा हिची चर्चा रंगली आहे. सध्या मलायका आणि अभिनेता अर्जुन कपूर एकमेकांना डेट करत आहेत.
