चेहऱ्यावर दिसतात हाय कोलेस्ट्रॉलची ‘ही’ 3 लक्षणं, करू नका दुर्लक्ष
हाय कोलेस्ट्रॉलमुळे केवळ आपले रक्ताभिसरण आणि रक्तदाब यावरच परिणाम होत नाही, तर शरीराच्या अनेक भागांवरही परिणाम होऊ शकतो.
नवी दिल्ली – कोलेस्ट्रॉल (cholesterol) हे आपल्या शरीरातील अनेक प्रक्रियांसाठी महत्वाचे असते. हा एक असा फॅट सबस्टान्स आहे, ज्यामुळे अन्न पचण्यास मदत होते. निरोगी आणि तंदुरुस्त राहण्यासाठी शरीरात कोलेस्ट्रॉलची पातळी योग्य प्रमाणात राहणे गरजेचे असते. खरंतर कोलेस्ट्रॉलचे दोन प्रकार असतात, एक चांगले कोलेस्टेरॉल (HDL)आणि दुसरे म्हणजे खराब कोलेस्ट्रॉल (LDL). चांगले कोलेस्ट्रॉल आपल्या हाडांसाठी कुशनसारखे कार्य करत असताना, खराब कोलेस्ट्रॉल आपल्या रक्तवाहिन्या ब्लॉक करण्याचे कार्य करते. खराब कोलेस्ट्रॉलमुळे आपल्या रक्तवाहिन्यांमध्ये ब्लॉकेज होऊन हाय ब्लड प्रेशर तसेच हृदयाशी संबंधित रोगांसाठी ते (खराब कोलेस्ट्रॉल) कारणीभूत ठरू शकते. त्यामुळे हाय कोलेस्ट्रॉलची लक्षणे (High cholesterol symptoms) सुरूवातीलाच ओळखून ते कमी करण्याचे उपाय केले पाहिजेत. हाय कोलेस्ट्रॉलची काही लक्षणे आपल्या चेहऱ्यावरही दिसू शकतात.
1) चेहऱ्यावर पिवळसर पुरळ येणे
बऱ्याच वेळा आपण पाहतो की, काही लोकांच्या चेहऱ्यावर पिवळ्या रंगाचे पुरळ येते. हे हाय कोलेस्ट्रॉलचे वाढल्याचे लक्षण आहे. खरंतर जेव्हा कोलेस्ट्रॉल वाढते तेव्हा रक्तवाहिन्या आणि चेहऱ्याच्या लहान नसांमध्ये ब्लॉकेज निर्माण होते. त्यामुळे रक्ताभिसरणावर परिणाम होतो तसेच चेहऱ्यावरील छिद्रांमध्ये ऑक्सिजनची कमतरता निर्माण होते. असते. यामुळे चेहऱ्यावर पिवळे-पिवळे पुरळ येते.
2) खाज येणारे पुरळ
कोलेस्ट्रॉल वाढल्यामुळे आपल्याला खाज सुटणे पुरळांचा त्रास होऊ शकतो. खराब रक्ताभिसरण आणि बंद छिद्रे यामुळे हे पुरळ येऊ शकते. यामध्ये संपूर्ण शरीरावर लहान लाल फोड दिसू शकतात, जे शरीरभर पसरलेले असतात. म्हणून, शरीरावर विनाकारण अशा प्रकारचे पुरळ उठले असेल तर त्वरित डॉक्टरांना दाखवा.
3) त्वचेवरील मेणासारख्या गाठी
काही लोकांना त्यांची त्वचा जाड आणि मेणासारखी वाटू शकते. खरंतर हे हाय कोलेस्ट्रॉलमुळे होते. ज्यामुळे आपला चेहरा व त्वचा अशी दिसू लागते. म्हणूनच, त्वचेवरील हाय कोलेस्ट्रॉलच्या लक्षणांकडे दुर्लक्ष करू नका आणि त्वरित डॉक्टरांना दाखवा.
(टीप- संबंधित विकारांची प्राथमिक माहिती, लक्षणे, तसेच काय करता येईल, याची माहिती देण्याचा आमचा हा प्रयत्न आहे, पण कोणताही उपचार करण्याआधी संबंधित आजारातील, तज्ज्ञ डॉक्टरांचा सल्ला घ्या.)
