Corona Cases In India | देशात नव्या कोरोनाग्रस्तांमध्ये वाढ सुरुच, कोरोनाबळींचा आकडाही वाढला

नवी दिल्ली : देशात कोरोनाग्रस्तांच्या रुग्णसंख्येत (Corona Cases In India) चढउतार पाहायला मिळत आहेत. गेले काही दिवस नव्या कोरोनाग्रस्तांच्या संख्येत घट होताना दिसत होतं, मात्र अचानक पुन्हा एकदा रुग्णसंख्या वाढताना दिसत आहे. गेल्या 24 तासात आदल्या दिवसाच्या तुलनेत नव्या कोरोना बाधितांच्या संख्येत जवळपास 3 हजारांनी वाढ झाली आहे. कालच्या दिवसात देशात 30 हजार 570 नवीन कोरोनाबाधित रुग्णांची नोंद झाली. तर 431 कोरोनाग्रस्तांना प्राण गमवावे लागले. कोरोनातून बरे होणाऱ्या रुग्णांची संख्या वाढत असल्याने त्यातल्या त्यात दिलासा मानला जात आहे.

24 तासातील आकडेवारी

गेल्या 24 तासात भारतात 30 हजार 570 नव्या कोरोनाबाधित रुग्णांची नोंद झाली आहे. तर 431 कोरोनाग्रस्त रुग्णांना प्राण गमवावे लागले. कालच्या दिवसात देशात 38 हजार 303 जण कोरोनामुक्त होऊन घरी परतले.

आतापर्यंतची आकडेवारी

भारतातील एकूण कोरोनाग्रस्तांचा आकडा आता 3 कोटी 33 लाख 47 हजार 325 वर गेला आहे. देशात आतापर्यंत 3 कोटी 25 लाख 60 हजार 474 रुग्ण बरे झाले आहेत. तर 4 लाख 43 हजार 928 रुग्णांनी आतापर्यंत कोरोनामुळे प्राण गमावले आहेत. 3 लाख 42 हजार 923 इतके सध्याच्या घडीला सक्रिय रुग्ण आहेत.

आतापर्यंत कोरोना लसीकरण झालेल्या देशातील नागरिकांची संख्या 76 कोटी 57 लाख 17 हजार 137 इतकी असल्याची माहिती केंद्रीय आरोग्य मंत्रालयाने दिली आहे.

देशातील कोरोना रुग्ण आकडेवारी

देशात 24 तासात नवे रुग्ण – 30,570

देशात 24 तासात डिस्चार्ज – 38,303

देशात 24 तासात मृत्यू – 431

एकूण रूग्ण – 3,33,47,325

एकूण अॅक्टिव्ह रुग्ण – 3,42,923

एकूण डिस्चार्ज (रिकव्हरी) – 3,25,60,474

एकूण मृत्यू  – 4,43,928

आतापर्यंत लसीकरण झालेली संख्या – 76,57,17,137

गेल्या 24 तासातील लसीकरण – 64,51,423

India reports 30,570 new #COVID19 cases, 38,303 recoveries and 431 deaths in last 24 hours, as per Health Ministry.

Total cases: 3,33,47,325 Active cases: 3,42,923 Total recoveries: 3,25,60,474 Death toll: 4,43,928

Total vaccination: 76,57,17,137 (64,51,423 in last 24 hours) pic.twitter.com/aM5jzNXshh

— ANI (@ANI) September 16, 2021

केरळात किती कोरोनाग्रस्त?

30 हजार 570 नवीन कोरोनाग्रस्तांपैकी एकट्या केरळमध्ये काल 17 हजार 681 रुग्ण सापडले, तर 431 कोरोना बळींपैकी केरळात 208 कोरोनाबाधितांच्या मृत्यूची नोंद झाली आहे.

Of 30,570 new #COVID19 cases and 431 deaths reported in the last 24 hours in India, Kerala recorded 17,681 COVID cases and 208 deaths, yesterday.

— ANI (@ANI) September 16, 2021

कोरोनाची तिसरी लाट ऑक्टोबरमध्ये शिखर गाठेल?

दरम्यान, कोरोनाच्या दुसऱ्या लाटेपाठोपाठ तिसऱ्या लाटेची भीती वाढू लागली आहे. देशात पुन्हा कोरोनाग्रस्तांच्या संख्येत वाढ होत असल्यामुळे सरकार आणि आरोग्य यंत्रणेची चिंता वाढली आहे. देशात कोरोनाची तिसरी लाट ऑक्टोबर ते नोव्हेंबर दरम्यान कहर करू शकेल. परंतु या लाटेची तीव्रता दुसऱ्या लाटेपेक्षा खूपच कमी असेल. साथीच्या गणिती मॉडेलिंगमध्ये सहभागी असलेल्या एका शास्त्रज्ञाने सोमवारी ही माहिती दिली. आयआयटी-कानपूरचे शास्त्रज्ञ मनींद्र अग्रवाल म्हणाले की, जर कोरोना विषाणूचे नवे स्वरूप आले नाही तर परिस्थिती बदलण्याची शक्यता नाही. अग्रवाल हे तज्ज्ञांच्या तीन सदस्यीय पथकाचे सदस्य आहेत. या पथकाकडे कोरोनाच्या संसर्गवाढीचा अंदाज लावण्याचे काम देण्यात आले आहे

संबंधित बातम्या :

कोरोनाची तिसरी लाट ‘या’ महिन्यांत शिखर गाठेल; शास्त्रज्ञांनी वर्तवला अंदाज