अमेरिकेतील चोरट्यांनी चक्क शिवाजी महाराजांचा पुतळा चोरला, पुणे शहराशी होते नाते
शिवाजी महाराजांचा पुतळा पुणे शहराकडून भेट म्हणून सॅन जोस शहराला देण्यात आला होता. उत्तर अमेरिकेत असलेला हा छत्रपती शिवाजी महाराजांचा एकमेव पुतळा होता.
न्यूयॉर्क : उत्तर अमेरिकेत एका उद्यानातून छत्रपती शिवाजी महाराजांचा (Chhatrapati Shivaji Statue) एकमेव पुतळा चोरीला गेला आहे. पुणे शहरातील सिस्टर सिटी म्हणून ओळख असलेल्या कॅलिफोर्नियाच्या सॅन जोस शहरातील (Pune’s Sister City) उद्यानात ही घटना घडली.येथील गुआदाल्युप रिव्हर पार्कमधून हा पुतळा चोरीला गेला आहे. सॅन जोसच्या उद्यान विभागाने शुक्रवारी केलेल्या ट्विटमध्ये म्हटले आहे. यासंदर्भात पोलिसांत तक्रार दिली आहे. पोलिसांनी चोरट्यांचा तपास सुरु केली आहे. तसेच पोलिसांनी स्थानिक नागरिकांचे सहकार्य देखील मागितले आहे. नागरिकांनी चोरट्यांचा लवकर शोध घेऊन पुन्हा महाराजांचा पुतळा बसवण्याची मागणी केली आहे.
पुणे येथून गेलो होत पुतळा
पुणे शहराने सॅन जोस शहराला भेट म्हणून दिला होता. सॅन जोस शहर हे पुणे शहरासारखे आहे. दोन्ही शहरांमधील अनेक गोष्टीत साधर्म्य आहे. दोन्ही शहरांना समुद्ध वारसा आणि इतिहास आहे. दोन्ही शहरे शिक्षणाचे केंद्र आहेत. यामुळे सॅन जोस या शहराची ओळख पुणे सिस्टर सिटी म्हणून झाली.
परिणामी शिवाजी महाराजांचा पुतळा पुणे शहराकडून भेट म्हणून सॅन जोस शहराला देण्यात आला होता. उत्तर अमेरिकेत असलेला हा छत्रपती शिवाजी महाराजांचा एकमेव पुतळा होता.या पुतळ्याची चोरी झाल्यामुळे सॅन जोस शहरातील नागरिकांना खूप दुःख झाले आहे. आता या संदर्भात माहिती वेळोवेळी उपलब्ध करून दिली जाईल, असेही उद्यान विभागाने केलेल्या ट्विटमध्ये म्हटले आहे.
जनतेला केले आवाहन
अमेरिकेत शिवाजी महाराजांच्या पुतळ्याची चोरी झाल्यामुळे शिवप्रेमी दु:खी झाले आहे. त्याची दखल स्थानिक पोलिसांनी घेतली आहे. पोलिसांनी यासंदर्भात तपासासाठी जनतेला सहकार्याचे आवाहन देखील केले. पोलिसांनी जनतेकडून माहिती मागवली आहे.
अमेरिकेत शिवजयंती
न्यूयॉर्कमधील छत्रपती प्रतिष्ठानतर्फे अमेरिकेत दरवर्षी शिवजयंती साजरी केली जाते. त्या छत्रपतींचा इतिहास अमेरिकेत मांडणे, वेगळे सांस्कृतिक कार्यक्रम करून भारतीय संस्कृतीचा प्रचार आणि प्रसार करण्याचा प्रयत्न केला जातो. शिवजयंती कार्यक्रमाला न्यूयॉर्क, न्यू जर्सी, कनेक्टिकट, पेनसिल्व्हानिया आणि मॅसेच्युसेट्स या सभोवतालच्या राज्यांतूनही शिवभक्त येत असतात.
यावेळी अल्बानी ढोल-ताशा समूहाच्या कलाकारांनी शिवजन्म, शिवराज्यभिषेकाचे प्रयोग सादर केले जातात. यामुळे अमेरिकमधील भारतीय शिवाजी महाराजांशी आपले नाते कायम ठेवत असतात. आता पुतळ्याची चोरी झाल्यामुळे सर्वांना दु:ख झाले आहे.
