जगाला ज्याची भीती तेच घडले, डोनाल्ड ट्रम्प यांची मोठी धमकी, थेट आर्थिक..

अमेरिकेचे राष्ट्राध्यक्ष डोनाल्ड ट्रम्प यांनी जगातील सर्व देशांना अत्यंत मोठा इशारा दिला. ज्याने एकच खळबळ उडाली. डोनाल्ड ट्रम्प यांनी स्पष्ट म्हटले की, जर कोणत्याही देशाने इराणला मदत केली तर त्याच्या वाईट परिणामांना सामोरे जावे लागेल. अमेरिकेने युद्ध शांत झाल्यानंतर इराणला आर्थिक कोंडीत पकडण्यासाठी मोठी पाऊले उचलली आहेत. डोनाल्ड ट्रम्प यांनी सोशल मीडियावर पोस्ट शेअर करत लिहिले की, इराणला मदत करणारा देश कारवाई पासून वाचू शकणार नाहीये. कोणत्याही देशाच्या आर्थिक संस्था, कंपन्या, एअरपोर्ट, सरकारी एजन्सी किंवा अन्य संस्था यांच्याकडून कोणत्याही म्हणजे कोणत्याही प्रकारची मदत इराणला करण्यात आली तर त्या देशाला मोठे आर्थिक नुकसान सहन करावे लागेल. यादरम्यान डोनाल्ड ट्रम्प यांनी थेट इशारा दिला. पण यावेळी त्यांनी कोणत्याही देशाचे नाव घेतले नाही.

आर्थिक व्यवहार, तेल तस्करी, जहाजांची खरेदी किंवा इराणसोबत कोणताही व्यवहार करणाऱ्या देशावर कारवाई केली जाईल. इराणच्या सर्व मदती थांबवल्या पाहिजेत. इराणला कोणत्याही पद्धतीने मदत करणाऱ्या देशाला सोडले जाणार नसल्याचे स्पष्टपणे डोनाल्ड ट्रम्प यांनी सांगितले. यादरम्यान डोनाल्ड ट्रम्प यांनी हे देखील सांगितले की, युद्धबंदीचा त्यांना अनेकदा प्रस्ताव पाठवण्यात आला.

पण तो त्यांनी स्वीकार केला नाही. त्यांनी पुन्हा म्हटले की, इराणकडे कोणत्याही पद्धतीने परमाणु शस्त्र राहणार नाहीत. डोनाल्ड ट्रम्प यांनी दिलेला इशारा फक्त इराणपुरताच मर्यादित नाही तर जे देश इराणसोबत आर्थिक व्यवहार करतात, त्यांच्याकरिताही आहे. रशिया इराणला मदत करत असल्याचा आरोप वारंवार केला जात आहे.

इराण आणि अमेरिका यांच्यातील तणाव वाढला की, याचा थेट परिणाम भारतावर होतो. भारतात येणारे कच्चे तेल होर्मुज खाडीतून येते. इराणविरोधात काही महिने युद्ध अमेरिकेने केले. मोठे हल्ले इराणच्या अनेक भागात करण्यात आली. मात्र, इराणनने शेवटपर्यंत हार मानली नाही. इराणला कसे आर्थिक कोडींत पकडता येईल, याकरिता आता अमेरिका प्रयत्न करत आहे.