Maharashtra Corona Update | राज्यात सलग पाचव्या दिवशी 3 हजार पेक्षा जास्त रुग्णांना डिस्चार्ज, पण बाधितांचा आकडा वाढताच

मुंबई : राज्यात आज (7 जुलै) दिवसभरात 3 हजार 296 रुग्णांनी कोरोनावर मात केली (Maharashtra Corona Update). त्यामुळे त्यांना रुग्णालातून डिस्चार्ज देण्यात आला. विशेष म्हणजे गेल्या चार दिवसांपासून सलग 3 हजारांपेक्षा जास्त रुग्णांना डिस्चार्ज देण्यात आला आहे. पण, एकीकडे कोरोनावर मात करणाऱ्या रुग्णांची संख्या वाढत असली तरी नव्या रुग्णांची वाढती संख्या चिंता वाढवणारी आहे (Maharashtra Corona Update).

राज्यात आज (7 जुलै) दिवसभरात 5 हजार 134 नवे कोरोनाबाधित रुग्ण आढळले आहेत. त्यामुळे राज्यातील कोरोनाबाधितांचा आकडा 2 लाख 17 हजार 121 वर पोहोचला आहे. राज्यात आतापर्यंत एकूण 1 लाख 18 हजार 558 रुग्णांनी कोरोनावर मात केली आहे, अशी माहिती आरोग्यमंत्री राजेश टोपे यांनी दिली.

राज्यात गेल्या पाच दिवसात 18 हजार पेक्षा जास्त रुग्ण बरे झाले आहेत. त्यामुळे राज्यात कोरोना रुग्णांचं बरे होण्याचं प्रमाण 54 टक्क्यांवर पोहोचलं आहे. राज्यात सध्या 89 हजार 294 रुग्णांवर उपचार सुरु आहे.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

राज्यात कोरोनामुळे आज दिवसभरात 224 रुग्णांचा मृत्यू झाला. यामध्ये फक्त मुंबईतीलच 64 रुग्णांचा समावेश आहे. राज्याचा कोरोना मृत्यूदर हा 4.26 टक्के एवढा आहे.

राज्यात आजपर्यंत पाठविण्यात आलेल्या 11 लाख 61 हजार 311 नमुन्यांपैकी 2 लाख 17 हजार 121 नमुने पॉझिटिव्ह (18.67 टक्के) आले आहेत. राज्यात 6 लाख 31 हजार 985 नागरिक होम क्वारंटाईनमध्ये आहेत. तर सध्या 45 हजार 463 नागरिक संस्थात्मक क्वारंटाईनमध्ये आहेत.

राज्यात आज 5134 कोरोना बाधीत रुग्णांची वाढ झाली व एकूण संख्या आता 217121 अशी झाली आहे. आज नवीन 3296 कोरोना बाधित रुग्ण बरे झाले आहेत. एकूण 118558 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 89294 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 7, 2020

कोरोना रुग्णांची अद्यावत आकडेवारी