Egg Test | बाजारातून आणलेली अंडी ताजी की शिळी? ‘या’ पद्धतीने तपासा…

मुंबई : आजच्या व्यस्त जीवनशैलीमध्ये वेळ वाचवण्यासाठी आपण बर्‍याचदा घरात लागणाऱ्या काही गोष्टी एकत्रच विकत आणतो. त्यापैकी काही गोष्टी बर्‍याच काळापासून चालू असतात, परंतु काही गोष्टी खराब होतात, ज्या आपल्याला माहित देखील नसतात. यापैकीच एक आहे अंडे (Easy test for checking egg expiry).

जे लोक दररोज अंडी खात नाहीत, त्यांना अंडी खराब झाली आहेत की नाही, हे सहसा समजत नाही. अशा परिस्थितीत अंडी ताजी आहे की खराब झाली आहे? हे ओळखण्याचे काही मार्ग आहेत, जे आपल्यासाठी उपयोगी ठरू शकतात. आज आपण याच पद्धतींबद्दल जाणून घेऊया…

एक्सपायरी डेट तपासा

अंड्याचे सेवन मुलांपासून वृद्धापर्यंत सर्वांसाठीच फायदेशीर मानले जाते. परंतु, जर अंडी ताजी नसतील तर त्याचा केवळ चवीवरच परिणाम होत नाही, तर त्याचा आपल्या आरोग्यावरही परिणाम होऊ शकतो. अशा परिस्थितीत अंडी ताजी आहेत की ती खराब झाली नाहीत हे पाहण्याचा सोपा मार्ग म्हणजे अंड्याच्या बॉक्सवर लिहिलेली तारीख. याद्वारे आपण अंड्यांची स्थिती सहज शोधू शकता, मात्र, जर आपण बाजारातून सुटी अंडी विकत घेतली असतील, तर ही पद्धत आपल्यासाठी नाही.

गंध

आपण भारतीय कोणत्याही खाद्यपदार्थाच्या वास घेऊन सांगतो की तो चांगला आहे की नाही. अंड्याचा वास घेऊन देखील, आपण ती ताजी आहेत की नाही हे शोधून काढू शकता. अंडी कच्ची आहेत की उकडलेली आहेत याने फरक पडत नाही, आपण त्या दोन्ही प्रकारे वास घेत त्यांची स्थिती शोधू शकता. त्यासाठी प्रथम अंडी फोडून प्लेटमध्ये ठेवा. मग त्याचा वास कसा आहे ते पहा. जर गंध ठीक असेल तर आपण ती वापरू शकता. परंतु, जर त्यातून कुजकट किंवा खराब वास येत असेल तर ते फेकून द्या. तसेच, गरम पाण्याने प्लेट पूर्णपणे स्वच्छ करा (Easy test for checking egg expiry).

निरखून पाहा

बरेच लोक नाकाद्वारे अंड्याची गुणवत्ता ओळखू शकत नाहीत. परंतु, अशावेळी आपण आपले डोळे वापरू शकता. यासाठी, आपल्याला अंडे बाहेरून नीट निरखून पहावे लागेल. त्यात काही क्रॅक आहे की, त्याच्या सालामधून भुकटी पडत आहे. जर अशी स्थिती असेल, तर ते बॅक्टेरियामुळे होऊ शकते. त्याच वेळी, जर असे काहीतरी दिसत नसेल तर आपण अंडे पांढर्‍या वाडग्यात किंवा प्लेटमध्ये घाला. आता ते निळे, हिरवे किंवा काळे दिसते आहे का ते पहा. याकडे काळजीपूर्वक पहा. आपणास असे काही दिसत असल्यास, ते त्वरित फेकून द्या.

अंडी पाण्यात बुडवा

अंडी ताजी आहे की नाही हे तपासण्याचा एक सोपा मार्ग म्हणजे, ती पाण्यात ठेवणे. यासाठी, आपल्याला प्रथम पाण्याने भरलेली एखादी बादली किंवा भांडे घ्यावे लागेल. नंतर अंडी या पाण्यात घालावी लागतील. जर अंडी बुडली, तर ती ताजी आहेत आणि जर तरंगत राहिली किंवा वरच राहिली तर ती शिळी आहेत.

मेणबत्ती चाचणी

अंडी ताजी आहेत की शिळी हे शोधण्यासाठी आपण मेणबत्ती देखील वापरू शकता. यासाठी, आपल्याला गडद खोलीत मेणबत्त्या, टेबल लॅम्प किंवा फ्लॅश दिवे वापरावे लागतील. प्रकाशाखाली आपल्याला अंडी पकडा आणि ती डावीकडून उजवीकडे फिरवा. जेव्हा आपण हे कराल तेव्हा आपल्याला अंड्याच्या आतील पिवळ बलक आणि पांढरा भाग दिसेल. जर पांढरा भाग मोठा असेल तर अंडे जुने आहे.

(Easy test for checking egg expiry)

हेही वाचा :

Egg Benefits | अंड्याचा केवळ पांढरा भाग खाताय? थांबा, पिवळ्या बलकाचे ‘हे’ मोठे फायदे जाणून घ्या!https://t.co/8wokffRRly#EggYolk #Egg #food

— TV9 Marathi (@TV9Marathi) December 11, 2020