Kolhapur North Election Result 2022 : करुणा शर्मांनीही अखेर कोल्हापूर उत्तरमध्ये खातं उघडलं, दुसऱ्या फेरीत बाराचा फेरा, एकूण किती मिळवणार?

Kolhapur North Election Result 2022 : कोल्हापूर उत्तर विधानसभा पोटनिवडणुकीत खरी लढत काँग्रेसच्या उमेदवार जयश्री जाधव आणि सत्यजित कदम यांच्यात सुरू आहे. मात्र, असं असलं तरी अपक्ष उमेदवार करुणा शर्मा यांनीही खातं खोलून राजकीय वर्तुळाचं लक्षा आपल्याकडे वेधून घेतलं आहे.

करुणा शर्मांनीही अखेर कोल्हापूर उत्तरमध्ये खातं उघडलं, दुसऱ्या फेरीत बाराचा फेरा, एकूण किती मते मिळवणार?Image Credit source: tv9 marathi

भीमराव गवळी | Updated on: Apr 16, 2022 | 10:31 AM

कोल्हापूर: कोल्हापूर उत्तर विधानसभा पोटनिवडणुकीत (Kolhapur North Election Result) खरी लढत काँग्रेसच्या उमेदवार जयश्री जाधव आणि सत्यजित कदम यांच्यात सुरू आहे. मतमोजणी सुरू झाल्यापासून जयश्री जाधव (jayshree jadhav) यांनी मोठी आघाडी घेतली आहे. जवळपास 9 हजार मतांची त्यांनी आघाडी घेतली आहे. त्यामुळे जाधव यांच्या विजयाचे संकेत मिळत आहेत. तर कदम हे पिछाडीवर पडले आहेत. मात्र, असं असलं तरी अपक्ष उमेदवार करुणा शर्मा यांनीही खातं खोलून राजकीय वर्तुळाचं लक्ष आपल्याकडे वेधून घेतलं आहे. करूणा शर्मा (karuna sharma) यांना पाचव्या फेरीअखेर 28 मते मिळाली आहेत. करुणा शर्मा या स्वत: मतमोजणीच्या ठिकाणी उपस्थित आहेत. येणारी प्रत्येक निवडणूक लढणार असल्याचं करूणा शर्मा यांनी सांगितलेलं आहे. त्यामुळे या निवडणुकीत त्यांना एकूण किती मते मिळतात याकडे सर्वांचं लक्ष लागलं आहे.

कोल्हापूर उत्तर विधानसभा पोटनिवडणुकीच चुरस अधिक रंगली आहे. काँग्रेसच्या उमेदवार जयश्री जाधव आणि भाजपचे उमेदवार सत्यजित कदम यांच्यात खऱ्या अर्थाने निवडणुकीची रंगत सुरू आहे. करूणा शर्मा यांनीही ही निवडणूक लढवल्याने या निवडणुकीकडे सर्वांचं लक्ष लागलं होतं. करूणा शर्मा या निवडणुकीत काय चमत्कार करतात आणि कोल्हापूरकर त्यांना साथ देतात का याकडे सर्वांचं लक्ष लागलं होतं. शर्मा यांनाही प्रचाराचा धडाका उडवून दिला होता. मात्र, या निवडणुकीत त्यांना अपेक्षित मते मिळताना दिसत नाहीये. पाचव्या फेरी अखेरीस त्यांना फक्त 28 मते मिळाली आहेत. त्यांच्यापेक्षा नोटाला अधिक मते मिळाली आहेत. नोटाला 341 मते मिळाली आहेत.

नवव्या फेरीतील चित्रं काय?

नव्या फेरीत जयश्री जाधव यांना 2744 मते मिळवली आहेत. तर कदम यांना 2937 मते मिळाली आहेत. या फेरीत कदम यांनी 193 मतांची लीड घेतली आहे. तर जयश्री जाधव यांना नवव्या फेरीअखेरीस एकूण 36 हजार 737 मते मिळाली आहेत. तर भाजपच्या सत्यजित कदमांना 27778 मते मिळाली आहेत. जाधव यांनी 8959 मतांची लीड घेतली आहे. अजूनही 17 फेऱ्या बाकी आहेत. त्यामुळे या फेऱ्यांमध्ये कदम काही चमत्कार करतात की जाधव बाजी मारून जातात याकडे सर्वांचं लक्ष लागलं आहे.