नाशिक-मुंबई महामार्गावर कसारा घाटात भीषण अपघात, कंटेनरचा ब्रेक फेल झाल्यानंतर सात गाड्यांना धडक

accident in kasara ghat: नाशिक-मुंबई महामार्गावर कसारा घाटात रविवारी भीषण अपघात झाला आहे. ब्रेक फेल झाल्यानंतर सात गाड्यांना कंटनेरने धडक दिली. या अपघातात गाड्यांचे मोठ्या प्रमाणावर नुकसान झाले आहे. अपघातात काही प्रवाशी जखमी झाले.

नाशिक-मुंबई महामार्गावर कसारा घाटात भीषण अपघात, कंटेनरचा ब्रेक फेल झाल्यानंतर सात गाड्यांना धडक
accident in kasara ghat
Follow us
| Updated on: Jul 14, 2024 | 3:04 PM

नाशिक-मुंबई महामार्गावर कसारा घाटात रविवारी भीषण अपघात झाला आहे. ब्रेक फेल झाल्यानंतर सात गाड्यांना कंटनेरने धडक दिली. या अपघातात गाड्यांचे मोठ्या प्रमाणावर नुकसान झाले आहे. तसेच 13 ते 14 प्रवासी जखमी झाल्याची प्राथमिक माहिती आहे. घटनास्थळावर महामार्ग पोलीस रूट पेट्रोलिंग टीम व रुग्णवाहिका दाखल झाल्या आहेत. घाटातील वाहतूक सुरळीत करण्याचा प्रयत्न सुरु आहे. वीकेंडमुळे कसारा घाटामध्ये आज वाहनांची मोठी गर्दी असल्याने पोलिसांनाही वाहतूक सुरळीत करण्यासाठी कसरत करावी लागत आहे.

अशी घडली घटना

नाशिक मुंबई महामार्गावर नवीन कसारा घाटात वाहतूक मोठ्या प्रमाणावर असते. या घाटात जाण्यासाठी आणि येण्यासाठी वेगवेगळे मार्ग तयार करण्यात आले आहे. त्यानंतर घाटातील वाहतूक काही प्रमाणात सुरळीत झाली. अन्यथा कसारा घाटात वाहतूक ठप्प होण्याचे प्रकार मोठ्या प्रमाणावर होत होते. रविवारी वीकेंडमुळे वाहनांची नेहमीपेक्षा जास्त गर्दी होती. त्याचवेळी नवीन कसारा घाटात विचित्र अपघात झाला. घाटातून जाणाऱ्या कंटेनरचा ब्रेक फेल झाला. त्यानंतर अनियंत्रीत झालेल्या कंटनेरने सहा ते सात गाड्यांना धडक दिली. या धडकेमुळे त्या गाड्यांचे मोठ्या प्रमाणावर नुकसान झाले. त्यातील काही जण जखमी झाले. तसेच या अपघातात एकूण 13 ते 14 प्रवासी जखमी झाली. त्यांना तातडीने जवळच्या रुग्णालयात दाखल करण्यात आले.

वाहतूक ठप्प, पोलीस घटनास्थळी

अपघातानंतर घाटातील वाहतूक ठप्प झाली होती. त्यामुळे अपघाताची माहिती मिळताच महामार्ग पोलीस रूट पेट्रोलिंग टीम आणि रुग्णवाहिका घटनास्थळावर पोहचली. त्यांनी मदत आणि बचावकार्य सुरु केले. तसेच वाहतूक सुरळीत करण्याचे प्रयत्न सुरु झाले.

हे सुद्धा वाचा

शनिवारी दरड कोसळली

नवीन कसारा घाटात शनिवारी सायंकाळी दरड कोसळली होती. सुदैवाने ज्या वेळेस दरड कोसळली त्या वेळेस कोणतेही वाहन पास झाले नाही. त्यामुळे मोठी दुर्घटना टळली. हेल्पलाईनला मेसेज गेल्यावर रूट पेट्रोलिंग टीम तात्काळ घटनास्थळी दाखल झाली. अवघ्या पंधरा मिनिटात दगड बाजूला करून एक लेन वाहतूक सुरळीत केली. खबरदारीचा उपाय म्हणून दरडीच्या आजूबाजूला ब्यारीगेटिंग करण्यात आले होते.

Non Stop LIVE Update
भाजपाचे माजी खासदार सुरेश वाघमारे वर्ध्यातून निवडणूक लढविण्यास इच्छुक
भाजपाचे माजी खासदार सुरेश वाघमारे वर्ध्यातून निवडणूक लढविण्यास इच्छुक.
विदर्भात कॉंग्रेस सांगली पॅटर्न राबविणार ?काय म्हणाले बाळासाहेब थोरात
विदर्भात कॉंग्रेस सांगली पॅटर्न राबविणार ?काय म्हणाले बाळासाहेब थोरात.
सावंतवाडी मतदार संघावरुन शिवसेना आणि राष्ट्रवादीत खेचाखेची सुरु
सावंतवाडी मतदार संघावरुन शिवसेना आणि राष्ट्रवादीत खेचाखेची सुरु.
मेरिटच्या आधारे निर्णय घ्यावा,कोणी हेकेखोरी करु नये - नाना पटोले
मेरिटच्या आधारे निर्णय घ्यावा,कोणी हेकेखोरी करु नये - नाना पटोले.
तासगाव: संजय पाटील यांचे पूत्र प्रभाकर पाटील निवडणूकीच्या मैदानात ?
तासगाव: संजय पाटील यांचे पूत्र प्रभाकर पाटील निवडणूकीच्या मैदानात ?.
नागपूरात कॉंग्रेसचा सांगली पॅर्टन?, कॉंग्रेस-राष्ट्रवादीत घमासान
नागपूरात कॉंग्रेसचा सांगली पॅर्टन?, कॉंग्रेस-राष्ट्रवादीत घमासान.
हेचि फल काय मम तपाला,पडळकर यांना स्थानिक भाजपा नेत्यांचा विरोध
हेचि फल काय मम तपाला,पडळकर यांना स्थानिक भाजपा नेत्यांचा विरोध.
देवेंद्र फडणवीस यांनी तोंडचा घास हिरावला - मनोज जरांगे पाटील
देवेंद्र फडणवीस यांनी तोंडचा घास हिरावला - मनोज जरांगे पाटील.
जागावाटपावरून ठाकरे गट अन् पटोलेंमधील वाद पेटला, मविआत बिघाडी
जागावाटपावरून ठाकरे गट अन् पटोलेंमधील वाद पेटला, मविआत बिघाडी.
शिवाजी पार्कवर मनसेचा दावा, शेवटचा षटकार लगावणार?; रडारवर कोण?
शिवाजी पार्कवर मनसेचा दावा, शेवटचा षटकार लगावणार?; रडारवर कोण?.