एकनाथ शिंदे दरेगावात, भरत गोगावले यांचे माध्यमांसमोर येत मंत्रिपदाचे संकेत, पाहा काय म्हणाले?

महाराष्ट्रात सत्ता स्थापनेचा पेच अजूनही कायम आहे. भरत गोगावले यांनी मंत्रिपद मिळण्याची शक्यता वर्तवली आहे. एकनाथ शिंदे यांची दरेगाव येथील भेट ही विश्रांतीसाठी असल्याचे गोगावले यांनी स्पष्ट केले. जितेंद्र आव्हाड यांची शिंदे यांच्याशी झालेली भेट ही कामाच्या निमित्ताने असल्याचेही त्यांनी सांगितले. महापालिका निवडणुका महायुतीतून लढवल्या जातील, असा विश्वास त्यांनी व्यक्त केला.

एकनाथ शिंदे दरेगावात, भरत गोगावले यांचे माध्यमांसमोर येत मंत्रिपदाचे संकेत, पाहा काय म्हणाले?
bharat gogawaleImage Credit source: tv9 marathi
Follow us
| Updated on: Nov 29, 2024 | 7:14 PM

महाराष्ट्र विधानसभा निवडणुकीनंतर आता सत्ता स्थापनेचा पेच अजूनही कायम आहे. महायुतीच्या तीनही प्रमुख नेत्यांची काल रात्री केंद्रीय गृहमंत्री अमित शाह यांच्यासोबत दिल्लीत बैठक पार पडली. या बैठकीनंतर एकनाथ शिंदे मुंबईत आले. त्यांच्या भेटीसाठी आज शिवसेनेचे अनेक नेतेमंडळी वर्षा निवासस्थानी दाखल झाले. यानंतर ते आज दुपारी दरेगावाला गेले. शिंदे यांचा पुढचा दोन दिवसांचा मुक्काम हा दरेगावातच असणार असल्याची माहिती आहे. या सर्व घडामोडींदरम्यान आज शिवसेनेचे नेते भरत गोगावले आज माध्यमांसमोर आले. त्यांनी विविध मुद्द्यांवर प्रतिक्रिया दिली. यावेळी त्यांना मंत्रिपदाबाबत प्रश्न विचारण्यात आला. त्यावर त्यांनी आपल्याला मंत्रिपद मिळेल, असे संकेत दिले. “या वेळेस मला मंत्रिपद भेटेल, सर्व गणितं जुळून आणली आहेत”, असं सूचक वक्तव्य भरत गोगावले यांनी केलं.

भरत गोगावले यांना यावेळी आगामी महापालिका निवडणुका महायुतीत लढणार का? असा प्रश्न विचारण्यात आला. त्यावर त्यांनी प्रतिक्रिया दिली. “आम्ही महायुतीमध्ये आहोत. पण वेगळं काही झालं तर आपली तयार असली पाहिजे. महायुतीमध्ये वेगळं लढावं, असं कुणाला वाटत नाही. त्यामुळे आम्ही आमची तयारी पूर्ण ठेवली आहे. सर्व एकत्र लढतील”, असं भरत गोगावले म्हणाले. “उपमुख्यमंत्री पद देवेंद्र फडणवीस यांच्याकडे असताना त्यांच्याकडे ज्या पद्धतीने गृहमंत्री पद होतं त्याच पद्धतीने गृहमंत्री पद आम्हाला मिळावं अशी आमची इच्छा आहे”, अशी देखील प्रतिक्रिया भरत गोगावले यांनी दिली.

एकनाथ शिंदे दरेगावात का गेले?

भरत गोगावले यांना यावेळी मंत्रिपदाबाबत प्रश्न विचारण्यात आला. तसेच नव्या सरकारचा शपथविधी कधी होणार? असाही प्रश्न त्यांना विचारण्यात आला. त्यावर त्यांनी “शिंदे साहेब सर्व निर्णय घेतील. काही लोकांना संधी मिळेल. त्यामध्ये मलाही संधी असेल”, असंदेखील सूचक वक्तव्य भरत गोगावले यांनी केलं. एकनाथ शिंदे अचानक दरेगावात का गेले? असादेखील प्रश्न भरत गोगावले यांना विचारण्यात आला. त्यावर त्यांनी “निवडणुकीच्या धावपळीत साहेबांनी आराम केला नाही म्हणून ते गावाला आरामासाठी गेले आहेत. साहेब आराम करायला गेले आहेत”, अशी प्रतिक्रिया गोगावले यांनी दिली.

हे सुद्धा वाचा

जितेंद्र आव्हाड यांनी एकनाथ शिंदे यांची भेट का घेतली?

राष्ट्रवादी शरद पवार गटाचे आमदार जितेंद्र आव्हाड यांनी आज एकनाथ शिंदे यांची वर्षा बंगल्यावर जावून भेट घेतली. या भेटीवरही भरत गोगावले यांनी प्रतिक्रिया दिली. “जितेंद्र आव्हाड त्यांचं काही काम मुख्यमंत्र्यांकडे घेऊन आले असतील. त्यांचं काम होतं. आम्ही त्याबाबत मुख्यमंत्री एकनाथ शिंदे यांना विचारू” , असं भरत गोगावले म्हणाले.

'एक खून करून पोट भरलं नाही?', जरांगे पाटलांचा थेट मुंडेंवर आरोप
'एक खून करून पोट भरलं नाही?', जरांगे पाटलांचा थेट मुंडेंवर आरोप.
'कोल्हेंच्या वक्तव्याची कीव, त्यांनीही...'; मित्रपक्षांकडून टीकास्त्र
'कोल्हेंच्या वक्तव्याची कीव, त्यांनीही...'; मित्रपक्षांकडून टीकास्त्र.
शरद पवार गटात अलबेल नाही? सत्तेत सहभागी होण्यासाठी 2 मतप्रवाह?
शरद पवार गटात अलबेल नाही? सत्तेत सहभागी होण्यासाठी 2 मतप्रवाह?.
वाल्मिक कराड लाडकी बहीण योजनेचा अध्यक्ष, बावनकुळेंचं समर्थन? म्हणाले..
वाल्मिक कराड लाडकी बहीण योजनेचा अध्यक्ष, बावनकुळेंचं समर्थन? म्हणाले...
'मुन्नीचं लय प्रेम पण ती बोलना, बोलली तर मुन्नीचे कपडे टराटरा...'
'मुन्नीचं लय प्रेम पण ती बोलना, बोलली तर मुन्नीचे कपडे टराटरा...'.
'EVM म्हणजे एव्हरी व्होट अगेन्स्ट मुल्ला',भाजपचा बडा नेता काय म्हणाला?
'EVM म्हणजे एव्हरी व्होट अगेन्स्ट मुल्ला',भाजपचा बडा नेता काय म्हणाला?.
'ठाकरे गट झोपेत, काँग्रेसची मोडलेली पाठ..',कोल्हेंच्या वक्तव्यानं खळबळ
'ठाकरे गट झोपेत, काँग्रेसची मोडलेली पाठ..',कोल्हेंच्या वक्तव्यानं खळबळ.
वडेट्टीवारांचा गंभीर आरोप, 'मविआ'ला फटका बसण्याचं सांगितलं कारण
वडेट्टीवारांचा गंभीर आरोप, 'मविआ'ला फटका बसण्याचं सांगितलं कारण.
...म्हणून शरद पवार महाविकास आघाडीत नाराज, मोठी माहिती समोर
...म्हणून शरद पवार महाविकास आघाडीत नाराज, मोठी माहिती समोर.
काँट्रॅक्ट द्यायचं असेल तर कराडशी संपर्क साधा.', आव्हाडांचं गंभीर आरोप
काँट्रॅक्ट द्यायचं असेल तर कराडशी संपर्क साधा.', आव्हाडांचं गंभीर आरोप.