वॉशिंग मशीनमध्ये अचानक स्फोट, काय असणार कारण

मुंबई : वसईत एक वेगळीच घटना समोर आली आहे. वसई पश्चिममध्ये (vasai virar municipal corporation area) एका इमारतीत वॉशिंग मशीनमध्ये स्फोट (washing machine blast )झाला. या स्फोटात सुदैवाने कोणतीही हानी झाली नाही. स्फोट शॉर्टसर्किटमुळे झाला असल्याची शक्यता व्यक्त होत आहे. परंतु चौकशीनंतर ते स्पष्ट होणार आहे. या घटनेमुळे इमारतीतील सर्व लोकांमध्ये घबराहट निर्माण झाली होती. अग्निशमन दलाच्या जवानांनी तात्काळ घटनास्थळावर दाखल होऊन आग विझवली असल्याने मोठा अनर्थ टळला.

नेमके काय झाले

हे सुद्धा वाचा

पुणेकरांसाठी ही वस्तूही टाकाऊ नाही, त्या पासून चष्मा बनवत उभारला स्टार्टअप

पक्ष गेला, चिन्ह गेले, आता शिवसेना भवनावर कोणाची मालकी असणार

कसबा पेठेत व्हिलचेअरवर बसून गिरीश बापट मैदानात, काय भाजपची सीट आहे धोक्यात?

राजगड किल्ल्यावर जाण्यापूर्वी हा नवीन आदेश वाचून जा

वसई पश्चिममधील साई नगर येथील गौतमी बिल्डिंगमधील कुबेरा इमारत आहे. या इमारतीच्या दुसऱ्या मजल्यावर राहत्या घरात काल मध्यरात्री एक वाजेच्या सुमारास स्फोट झाल्याचा आवाज शेजाऱ्यांना ऐकू आला. यावेळी काही लोकांनी स्फोटाच्या आवाजाच्या दिशेने धाव घेतली. त्यावेळी दुसऱ्या मजल्यावरील राहत्या घरात स्फोट झाल्याचे स्पष्ट झाले. त्यानंतर लागलीच अग्निशमन दलास फोन करण्यात आला.

वसई विरार महापालिकेच्या अग्निशमन दलाच्या जवानांनी तात्काळ घटनास्थळावर दाखल होऊन आग विझवली असल्याने मोठा अनर्थ टळला. या घटनेत वॉशिंग मशीन जळून पुर्ण खाक झाले. सुदैवाने कोणतीही हानी या दुर्घटनेत झाली आहे. स्फोट कशामुळे झाला हे स्पष्ट झाले नाही. परंतु शॉर्ट सर्किटमुळे झाला असल्याची शक्यता व्यक्त होत आहे.

वॉशिंग मशीनला लागलेल्या आगीमुळे घरातील बाथरूम पूर्णपणे जळून खाक झाले आहे. ही आग नेमकी कशामुळे लागली हे अद्याप स्पष्ट होवू शकलं नाही.

उपकरणे चेक करुन घ्या

आपणा सर्वांना सावध करणारी बातमी आहे.  आपल्या घरातील इलेक्ट्रीक वस्तू वापरताना काळजी घ्या. जुने उपकरणे  झाली असतील तर तपासून घ्या. घरातील वायरी जुन्या झाल्या असतील तर ती चेक करुन घ्या. अन्यथा मोठी दुर्घटना घडण्याची शक्यत आहे.