पुण्यात अजित पवार यांना भाजपचा जोरदार धक्का, गडा आला पण सिंह गेला

पुणे : राज्यातील 147 कृषी उत्पन्न बाजार समितीचा निकाल जाहीर झाले. या निवडणुकीत अनेकांचा विजय झाला आहे. तर अनेकांना धक्का बसला आहे. या निवडणुकीत धक्का बसलेल्यांमध्ये सत्ताधारी पक्षातील आमदार, खासदार आणि मंत्र्यांचा समावेश आहे. महाविकास आघाडीची सरसी या निवडणुकीत दिसून आली. परंतु राष्ट्रवादीचा गड असलेल्या पुण्यात अजित पवार यांना भाजपने धक्का दिला आहे. पुण्यात गड आला पण सिंह गेला अशी परिस्थिती राष्ट्रवादी काँग्रेसची झाली आहे. अजित पवार यांचे २४ वर्षांपासून वर्चस्व राहिलेल्या बाजार समितीत भाजप पुरस्कृत पॅनल विजयी झाले. यामुळे अजित पवार यांच्यासाठी हा धक्का मानला जात आहे.

कुठे कसे आले निकाल

पुणे जिल्ह्यासह संपूर्ण राज्याचे लक्ष हवेली बाजार समितीकडे होते. या ठिकाणी भाजप विरुद्ध राष्ट्रवादी असा सामना होता. भाजपने राष्ट्रवादी विरुद्ध सर्वपक्षीय पॅनेल तयार केले होते. भाजपच्या या पॅनलने १८ पैकी १३ जागांवर विजय मिळवला. राष्ट्रवादीच्या पॅनलला केवळ दोन जागांवर विजय मिळवता आला. तीन अपक्षांनीही बाजी मारली. हवेली बाजार समितीत राष्ट्रवादी काँग्रेस म्हणजेच अजित पवार यांचे अनेक वर्षांपासून वर्चस्व होते.

हे सुद्धा वाचा

आता पुणेकरांना मिळणार मोफत वायफाय, ४५०० ठिकाणी असणार सुविधा

दहा मुलांच्या आईने केले बॅचलर मुलाशी लग्न, लग्नासाठी गावकऱ्यांनी घेतला पुढाकार

शरद पवार यांना ‘एनडीए’मध्ये येण्याची ऑफर, मोदी मंत्रिमंडळातील मंत्र्याची खेळी

राज्यात मुख्यमंत्रीपदासाठी अनेक इच्छूक, आता मोदी मंत्रिमंडळातील मंत्र्याने व्यक्त केली इच्छा

गड आला पण सिंह गेला

पुणे जिल्ह्यातील सहा बाजार समित्यांपैकी पाच ठिकाणी राष्ट्रवादी काँग्रेसने विजय मिळवला. परंतु हवेलीत राष्ट्रवादी काँग्रेसचा पराभव झाला. इंदापूर, बारामती, मंचर, नीरा बाजार समितीत राष्ट्रवादीची सत्ता आली. यामुळे पुण्यात राष्ट्रवादीचा गड आला पण हवेलीच्या माध्यमातून सिंह गेला अशी परिस्थिती झाली. चा निवडणुकीत उमेदवारी देताना राष्ट्रवादीने आयात उमेदवारांना प्राधान्य दिले. त्यामुळे पक्षाला बंडखोरीचे ग्रहण लागले. राष्ट्रवादीतील सर्व नाराज एकत्र आले. त्यांनी भाजप, शिवसेना ठाकरे गटास मदत केली. यामुळे राष्ट्रवादीला केवळ दोन जागा मिळाल्या.

पुण्यात राष्ट्रवादीचे राहिले वर्चस्व

पुणे जिल्ह्यातील सहकार क्षेत्रावर आधी काँग्रेस त्यानंतर गेल्या २४ वर्षांपासून राष्ट्रवादी काँग्रेसचे वर्चस्व राहिले. पुणे कृषी उत्पन्न बाजार समितीची निवडणूक २४ वर्षांनंतर झाली. या ठिकाणी १९ वर्षे प्रशासक राज होते. या ठिकाणी राष्ट्रवादी विरुद्ध भाजप असा सामना झाला. परंतु राष्ट्रवादीला अंतर्गत गटबाजीचे ग्रहण लागले.