Maharashtra Breaking News LIVE 05 October 2024 : भाजपासाठी पंतप्रधान गल्लीबोळात फिरत आहेत – संजय राऊत
Maharashtra Political News LIVE in Marathi : आज 05 ऑक्टोबर 2024. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
पंतप्रधान नरेंद्र मोदी नांदेडमध्ये दाखल
पंतप्रधान नरेंद्र मोदी नांदेड विमानतळावर दाखल. पंतप्रधान नांदेडहून पोहरादेवीला रवाना होणार.
-
वोट जिहादवर श्वेत पत्रिका काढावी लागेल – संजय राऊत
वोट जिहादवर आरएसएस, भाजपा फेक नरेटिकव्ह सेट करतय. वोट जिहाद काय असतं? त्यावर श्वेतपत्रिका काढावी लागेल. भाजपा निवडणूक हरले की वोट जिहाद, एखाद्या मतदारसंघात मुस्लिमांनी मतदान केलं की, वोट जिहाद नाही का? या देशात सगळ्या जाती धर्माचे मतदार आहेत असं संजय राऊत म्हणाले.
-
-
भाजपासाठी पंतप्रधान गल्लीबोळात फिरत आहेत – संजय राऊत
“भाजपासाठी पंतप्रधान गल्लीबोळात फिरत आहेत. उत्तर महाराष्ट्राच वातावरण मविआसाठी अनुकूल. पंतप्रधानांनी महाराष्ट्रात डेरा टाकलाय. भाजपा, RSS फेक नरेटिव्हचा कारखाना” अशी टीका संजय राऊत यांनी केली.
-
लक्ष्मण हाके आणि प्रकाश आंबेडकर यांची भेट
ओबासी समाजाचे आंदोलन नेते लक्ष्मण हाके यांनी वंचित बहुजन आघाडीचे अध्यक्ष प्रकाश आंबेडकर यांची भेट घेतली आहे. काल दुपारी ही भेट झाल्याची माहीती आहे. या भेटीमध्ये जवळपास एक तास आरक्षणाबाबत प्रकाश आंबेडकर यांच्याशी चर्चा सकारात्मक झाल्याची माहिती आहे.
-
शिंदे गटाला आणखी एक मोठा धक्का
विधानसभा निवडणुकीपूर्वी शिवसेना शिंदे गटाला आणखी एक धक्का बसला आहे. मोहोळमधील शिवसेना शिंदे गटाचे नेते नागेश वनकळसे यांनी घेतली शरद पवार आणि उद्धव ठाकरेंची भेट घेतली आहे. नागेश वनकळसे यांनी मोहोळ विधानसभेसाठी उमेदवारीची मागणी केलीय. नागेश वनकळसे हे शिवसेना शिंदे गटाचे सहकार सेनेचे प्रदेश उपाध्यक्ष असून ते राष्ट्रवादी शरद पवार गटाच्या वाटेवर आहेत. मागील अनेक वर्षांपासून शिवसेनेत सक्रिय पदाधिकारी राहिले आहेत. अभ्युदय मल्टिस्टेट बँकेचे प्रमुख आणि माजी आमदार सीताराम घनदाट मामा यांनी वनकळसे यांच्यासाठी शरद पवार, उद्धव ठाकरे यांच्याकडे उमेदवारीसाठी ताकद लावली आहे.
-
-
राज ठाकरे आज छत्रपती संभाजीनगरमध्ये, बैठका घेणार
मनसे प्रमुख राज ठाकरे छत्रपती संभाजीनगर दौऱ्यावर आहेत. विधानसभा निवडणुकीच्या पार्श्वभूमीवर मराठवाड्यात बैठक घेणार आहेत. मराठवाड्याच्या प्रमुख पदाधिकाऱ्यांची सुभेदार विश्रामगृहात बैठक घेणार आहेत. आजपासून राज ठाकरे यांचा संभाजीनगर दौरा सुरू होतोय. संध्याकाळच्या सुमारास राज ठाकरे नाशिकसाठी रवाना होणार आहेत. दहा वाजल्यापासून राज ठाकरे यांच्या विधानसभा निवडणुकीच्या पार्श्वभूमीवर बैठका घेणार आहेत.
-
नरेंद्र मोदी थोड्याच वेळात नांदेडला पोहोचणार
पंतप्रधान नरेंद्र मोदी आज पोहरादेवीला जाणार आहे. त्यासाठी नांदेड विमानतळवर ते उतरतील. त्यानंतर ते पोहरादेवीला जाणार आहेत. 9 वाजून 40 मिनिटांनी नांदेड विमानतळावर पोहचणार आहेत. विमानतळवरून हेलिकॉप्टरने पोहरादेवी जाणार आहेत. नांदेड विमानळ बाहेर आणि परिसरात पोलिसांचा तगडा बंदोबस्त तैनात करण्यात आला आहे.
-
विधानसभा निवडणुकीची आचारसंहिता लागण्याआधी पंतप्रधान नरेंद्र मोदी हे महाराष्ट्रात येत आहेत. पंतप्रधान नरेंद्र मोदी आज मुंबई आणि वाशिमच्या दौऱ्यावर असणार आहेत. मोदींच्या हस्ते मुंबई मेट्रो- 3 चं लोकार्पण केलं जाणार आहे. लोकसभेचे विरोधी पक्ष नेते राहुल गांधी हे आज कोल्हापूरच्या दौऱ्यावर असणार आहेत. राहुल गांधीच्या हस्ते शिवरायांच्या पुतळ्याचं अनावरण केलं जाणार आहे. मनसे अध्यक्ष राज ठाकरे देखील आज छत्रपती संभाजीनगरच्या दौऱ्यावर आहेत. विधानसभा निवडणुकीआधी आता घडामोडींना वेग आला आहे. राज्यातील घडामोडी या ब्लॉगमध्ये तुम्हाला वाचायला मिळतील.
Published On - Oct 05,2024 9:07 AM
