Abhijeet Dipke : विजयाचं अंतर फक्त 2 टक्के होतं आणि आता..ही सेटिंग नाहीतर काय आहे? अभिजीत दीपकेचा सवाल

“हुकूमशाह नरेंद्र मोदी ज्ञानेश कुमारला वाचवतायत. मागच्या 10-15 दिवसांपासून विद्यार्थी संघटना रस्त्यावर लढत आहेत. देशाच्या इतिहासात पहिल्यांदा असं झालं की, दिल्लीत मेट्रो बंद झाली, रेल्वे बंद झाली. त्याने मन भरलं नाही म्हणून नक्षल प्रभावित भागातून फोर्सेस बोलावले” अशी टीका अभिजीत दीपके यांनी केली. “नरेंद्र मोदी सगळी दिल्ली ठप्प करतायत एका ज्ञानेशकुमारला वाचवण्यासाठी. इतकं सगळं करुन मन भरलं नाही, तेव्हा आपल्याच देशातल्या लोकांविरुद्ध युद्ध छेडलं ज्ञानेशकुमारसाठी. जंतर-मंतरवर सौरव आणि आशुतोष तिरंगा फडकवायला गेलेले. त्यांना तुरुंगात टाकलं” असं अभिजीत दीपके म्हणाले.

“दिल्लीला भारत-पाकिस्तान सीमा बनवून टाकली. विरोधी पक्षाला खेचलं. ज्ञानेशकुमार मोदींसाठी इतका महत्वाचा का आहे?. ज्ञानेशकुमार मोदींना काय लाच देतो?” असे प्रश्न अभिजीत दीपकेने विचारले आहेत. “जगदीप धनकड यांचा राजीनामा घेतला. उपराष्ट्रपतींना महत्व दिलं नाही. पंतप्रधान, राष्ट्रपतींना जे सुरक्षाकवच नाहीय ती इम्युनिटी ज्ञानेश कुमारला आहे” असं अभिजीत दीपके म्हणाले.” 2024 लोकसभेला इंडिया आघाडी आणि एनडीएमध्ये विजयाचं अंतर फक्त दोन टक्के होतं. 13 कोटी मतदार डिलिट केले. ही सेटिंग नाहीतर काय आहे?” असं अभिजीत दीपके म्हणाले.

‘नरेंद्र मोदी डरपोक आहेत’

“वन नेशन, वन इलेक्शन नाही तर वन नेशन, वन पार्टी ही खरी घोषणा आहे. नरेंद्र मोदी हुकूमशाह बनले आहेत. त्यांच्यात हिम्मत नाही. नरेंद्र मोदी परदेशात जातात तेव्हा मोदी गांधी, नेहरुच्या देशातून आलेत असच बोलतात. तेव्हा नेहरु, गांधी यांचं नाव घ्यावचं लागत” असं अभिजीत दीपके म्हणाले. “नरेंद्र मोदींना सांगायच आहे की, संपूर्ण देश तुमचा चेहरा बघतोय. नरेंद्र मोदी डरपोक आहेत. तिरंगा फडकवला म्हणून तुरुंगात टाकलं. इंग्रजांच्या काळात तिरंगा फडकावयाला परवानगी नव्हती. पोलीस तुरुंगात टाकायचे. नरेंद्र मोदी ज्ञानेश कुमार तुमच्यासाठी इतका महत्वाचा का आहे?. ज्ञानेश कुमार तुमच्यासाठी तिरंग्यापेक्षा महत्वाचा बनला आहे. तिरंगा आमचा अभिमान आहे, शान आहे” असं अभिजीत दीपके म्हणाले.