संभाजीनगर येथील सभेपूर्वी मनसेकडून उद्धव ठाकरे यांना डिवचण्याचा प्रयत्न, प्रत्युत्तर दिलं जाणार?

मुंबई : छत्रपती संभाजीनगरमध्ये महाविकास आघाडीची (Maha Vikas Aghadi) जाहीर सभा आयोजित करण्यात आलेली असताना महाराष्ट्र नवनिर्माण सेनेकडून ठाकरे गटाचे प्रमुख उद्धव ठाकरे (Uddhav Thackeray) यांना डिवचण्याचा प्रयत्न करण्यात आला आहे. महाराष्ट्र नवनिर्माण सेनेचे नेते अमेय खोपकर (Amey Khopkar) यांनी उद्धव ठाकरे यांच्यावर ट्विटरवर व्हिडीओ शेअर करत निशाणा साधला आहे. उद्धव ठाकरे मुख्यमंत्री असताना त्यांनी औरंगाबादमध्ये सभा घेतली होती. त्यावेळी औरंगाबादच्या नामांतरावरुन त्यांनी महत्त्वाचं विधान केलेलं. त्याच विधानावरुन मनसे अध्यक्ष राज ठाकरे यांनी त्यांच्यावर टीका केलेली. याबाबतचे दोन्ही व्हिडीओ शेअर करत खोपकर यांनी उद्धव ठाकरेंवर निशाणा साधलाय.

उद्धव ठाकरे यांनी मनसे अध्यक्ष राज ठाकरे आणि मुख्यमंत्री एकनाथ शिंदे यांचे आभार मानावेत, असं मनसे नेते अमेय खोपकर म्हणाले आहेत. औरंगाबादच्या नामांतरावरुन अमेय खोपकर यांनी उद्धव ठाकरे यांच्यावर निशाणा साधला आहे. उद्धव ठाकरे मुख्यमंत्री असते तर सभा ओरंगाबादलाच झाली असती, असा टोला त्यांनी लगावला.

हे सुद्धा वाचा

काँग्रेसच्या गोटातून मोठी बातमी, मविआची संभाजीनगरमध्ये ‘वज्रमूठ’, पण नाना पटोले अनुपस्थित राहणार, कारण..

कळीचा मुद्दा! महाविकास आघाडी आगामी काळात एकत्रित राहील का? जयंत पाटील म्हणतात….

महाविकास आघाडीच्या सभेपूर्वी इम्तियाज जलील यांची रोखठोक भूमिका, राड्याच्या मुद्द्यावरुन…..

अमेय खोपकर नेमकं काय म्हणाले?

छत्रपती संभाजीनगर या नावासाठी साठी सदैव आग्रही असणारे राज ठाकरे आणि नामांतर घडवून आणणारे मुख्यमंत्री एकनाथ शिंदे यांचे उद्धव ठाकरे यांनी आज आभार मानायला हवे. कारण आज जर उद्धव ठाकरेच मुख्यमंत्री असते तर महाविकास आघाडीची आजची सभा ‘औरंगाबाद’मध्येच झाली असती.

छ. संभाजीनगर या नावासाठी साठी सदैव आग्रही असणारे मा. राजसाहेब ठाकरे व नामांतर घडवून आणणारे मुख्यमंत्री श्री. एकनाथ शिंदे यांचे उद्धव ठाकरे यांनी आज आभार मानायला हवे. कारण आज जर उद्धव ठाकरेच मुख्यमंत्री असते तर म.वि.आ. ची आजची सभा ‘औरंगाबाद’ मध्येच झाली असती. pic.twitter.com/oahAwVdzNb

— Ameya Khopkar (@MNSAmeyaKhopkar) April 2, 2023

उद्धव ठाकरे यांच्या व्हिडीओत काय?

“होय, मी संभाजीनगर म्हणतोय. अहो, नामांतर करण्याची गरज काय?”, असा सवाल उद्धव ठाकरेंनी केला.

राज ठाकरे व्हिडीओत काय म्हणाले?

“परवा दिवशी म्हणाले, औरंगाबादचं नामांतर झालं काय आणि नाही झालं काय, मी बोलतोय ना, अरे तू कोण आहे? तू कोण वल्लभाई पटेल, महात्मा गांधी, कोण आहे?”, असा सवाल राज ठाकरेंनी केला.