DC vs CSK, LIVE Score, IPL 2021 Playoff : थरारक सामन्यात चेन्नईची दिल्लीवर 4 विकेट्सने मात, धोनी स्टाईलमध्ये मॅच फिनिश

चेन्नईला मोठा झटका, मोईन अली 16 धावांवर बाद

टॉम करनने चेन्नईला मोठा झटका दिला आहे. त्याने मोईन अलीला कगिसो रबाडाकरवी झेलबाद केलं. चेन्नईला विजयासाठी 5 चेंडूत 13 धावांची आवश्यकता (चेन्नई 160/6)

चेन्नई सुपरकिंग्जला मोठा झटका, ऋतुराज गायकवाड 70 धावांवर बाद

चेन्नई सुपरकिंग्जने मोठी विकेट गमावली आहे. आवेश खानने ऋतुराज गायकवाडला 70 धावांवर असताना अक्सर पटेलकरवी झेलबाद केलं (चेन्नई 149/5)

चेन्नईचा चौथा फलंदाज माघारी, अंबाती रायुडून शून्यावर बाद

चेन्नई सुपरकिंग्सने चौथी विकेट गमावली आहे. श्रेयस अय्यरने अंबाती रायुडूला (1) धावबाद केलं. (चेन्नई 119/4)

चेन्नईला तिसरा धक्का, शार्दुल ठाकूर शून्यावर बाद

चेन्नई सुपरकिंग्सने तिसरी विकेट गमावली आहे. टॉम करनने शार्दुल ठाकूरला शून्यावर माघारी धाडलं. श्रेयस अय्यरने सोपा झेल घेत त्याला पव्हेलियनचा रस्ता दाखवला. (117/3)

ऋतुराज गायकवाडचं अर्धशतक

ऋतुराज गायकवाडने 37 चेंडूत अर्धशतक झळकावलं आहे. या खेळीत त्याने 2 चौकार आणि 2 षटकार ठोकले आहेत.

चेन्नई सुपरकिंग्सला दुसरा झटका, रॉबिन उथप्पा 63 धावांवर बाद

चेन्नई सुपरकिंग्सने दुसरी विकेट गमावली आहे. टॉम करनने रॉबिन उथप्पाला 63 धावांवर असताना श्रेयस अय्यरकरवी झेलबाद केलं. (चेन्नई 113/1)

रॉबिन उथप्पाचं अर्धशतक

35 चेंडूत रॉबिन उथप्पाने अर्धशतक झळकावलं आहे. या खेळीत त्याने 5 चौकार आणि 2 षटकार ठोकले आहेत.

पहिल्याच षटकात चेन्नईला मोठा झटका, फाफ डुप्लेसी बाद

पहिल्याच षटकात चेन्नईने मोठी विकेट गमावली आहे. एनरिच नॉर्खियाने फाफ डुप्लेसीला त्रिफळाचित केलं. (चेन्नई 3/1)

दिल्लीचा पाचवा गडी माघारी, शिमरन हेटमायर 37 धावांवर बाद

दिल्लीने पाचवी विकेट गमावली आहे. ड्र्वेन ब्राव्होने शिमरन हेटमायरला 37 धावांवर असताना रवींद्र जाडेजाकरवी झेलबाद केलं. (दिल्ली 163/5)

दिल्लीचा चौथा फलंदाज माघारी, पृथ्वी शॉ 60 धावांवर बाद

दिल्लीने चौथी विकेट गमावली आहे. रवींद्र जाडेजाने पृथ्वी शॉला 60 धावांवर असताना फाफ डुप्लेसीकरवी झेलबाद केलं. (दिल्ली 80/4)

दिल्लीला तिसरा धक्का, अक्सर पटेल 10 धावांवर बाद

दिल्लीने तिसरी विकेट गमावली आहे. मोईन अलीने अक्सर पटेलला सँटनरकरवी झेलबाद केलं. (दिल्ली 77/3)

पृथ्वी शॉचं 27 चेंडूत अर्धशतक, दिल्ली सुस्थितीत

पृथ्वी शॉने 27 चेंडूत शानदार अर्धशतकी खेळी केली आहे. 9 व्या षटकात रवींद्र जाडेजाला चौकार लगावत पृथ्वीने अर्धशतक पूर्ण केलं. या खेळीत त्याने 6 चौकार आणि 3 षटकार ठोकले.

दिल्लीला दुसरा झटका, धवनपाठोपाठ श्रेयस अय्यर बाद

दिल्लीने दुसरी विकेट गमावली आहे. जोश हेजलवूडने श्रेयस अय्यरला ऋतुराज गायकवाडकरवी झेलबाद केलं. (दिल्ली 50/2)

दिल्लीला पहिला झटका, शिखर धवन 7 धावांवर बाद

दिल्लीने पहिली विकेट गमावली आहे. जोश हेजलवूडने शिखर धवनला यष्टीरक्षक एमएस धोनीकरवी झेलबाद केलं. (दिल्ली 36/1)

दिल्लीच्या डावाला सुरुवात, पृथ्वी-शिखर जोडी मैदानात

दिल्लीच्या डावाला सुरुवात झाली आहे. सलामीवीर पृथ्वी शॉ आणि शिखर धवन ही जोडी मैदानात दाखल झाली असून चेन्नईचा कर्णधार एम एस धोनीने चेंडू दीपक चाहरच्या हाती सोपवला आहे.

नाणेफेक जिंकून चेन्नईचा प्रथम गोलंदाजी करण्याचा निर्णय

चेन्नई सुपरकिंग्सचा कर्णधार महेंद्रसिंह धोनीने नाणेफेक जिंकून प्रथम गोलंदाजी करण्याचा निर्णय घेतला आहे.

Qualifier 1. Chennai Super Kings win the toss and elect to field https://t.co/8TbvEf4Vmd #DCvCSK #VIVOIPL #IPL2021

— IndianPremierLeague (@IPL) October 10, 2021

DC vc CSK : प्लेऑफमध्ये दुसऱ्यांदा टक्कर

प्लेऑफबद्दल बोलायचे झाल्यास, येथे चेन्नईचे एकतर्फी वर्चस्व आहे. दिल्ली आणि चेन्नई यापूर्वी दोन वेळा प्लेऑफमध्ये एकमेकांशी भिडले आहेत. या दोन्ही सामन्यांमध्ये चेन्नईने दोन्ही वेळा दिल्लीला धूळ चारली आहे. 2012 मध्ये दोन्ही संघ पहिल्यांदा भिडले, तेव्हा दिल्लीला 86 धावांनी पराभवाला सामोरे जावे लागले. यानंतर 2019 मध्ये दोघांची पुन्हा टक्कर झाली आणि यावेळी चेन्नईने 6 गडी राखून विजय मिळवला.