Viral video| हिरो बनून कुत्र्याने वाचवले हरणाचे प्राण; लोकांकडून श्वानाच्या शौर्याचे कौतुक

कुत्र्यांची गणना जगातील सर्वात बुद्धिमान प्राण्यांमध्ये केली जाते, सोबतच ते आपल्या मालकांप्रती अत्यंत निष्ठावान देखील असतात. हा प्राणी खऱ्या अर्थाने मानवाचा मित्र आहे. श्वानाचा असाच एक व्हिडीओ सध्या व्हायरल होत आहे. हा व्हिडीओ पाहून नेटकऱ्यांनी या श्वानाचे कौतुक केले आहे.

टीव्ही 9 मराठी डिजीटल टीम | Updated on: Jan 19, 2022 | 7:33 PM

कुत्र्यांची (dog) गणना जगातील सर्वात बुद्धिमान प्राण्यांमध्ये केली जाते, सोबतच ते आपल्या मालकांप्रती अत्यंत निष्ठावान देखील असतात. हा प्राणी खऱ्या अर्थाने मानवाचा मित्र आहे. कुत्रे आपल्या मालकाचा जीव वाचवण्यासाठी प्रसंगी स्वतःचा जीव धोक्यात घालतात. याची अनेक उदाहरणे आपल्यासमोर आहेत. सध्या सोशल मिडीयावर (Social media) असाच एक कुत्र्याचा व्हिडीओ व्हायरल झाला आहे. हा व्हिडीओ ( video) पाहिल्यानंतर तुम्हालाही कळेल की, कुत्रा हा प्राणी पाळण्याचे सर्वाधिक प्रमाण का आहे ते? व्हायरल होत असलेल्या व्हिडीओमध्ये काळ्या रंगाचा कुत्रा एका हरणाच्या बाळाला वाचवताना दिसत आहे. हरणाला वाचवण्यासाठी तो त्याला तोंडाने पकडतो आणि किनाऱ्यावर उभ्या असलेल्या मित्राकडे घेऊन जातो. बचावादरम्यान, कुत्र्याने हरणाला तोंडात पकडले, जसे तो आपल्या पिल्लांना तोंडाने धरून उचलतो. तसेच त्याने या हरणाच्या पिल्लाला उचलले आहे.

कुत्र्याने वाचवले हरणाचे प्राण

हा कुत्रा पाण्यात पडलेल्या हरणाच्या पिल्लाला वाचवताना दिसत आहे. यामध्ये त्याने हरणाच्या पिल्लाला आपल्या तोंडात पकडले आहे. कुत्रा या हरणाला पाण्यातून बाहेर काढताना दिसत आहे. हरणाच्या पिल्लाला बाहेर काढताना तो त्याला आपल्या पिल्लांप्रमाणेच तोंडात पकडून बाहेर काढत आहे. मात्र याचदरम्यान त्याला आपले दात लागणार नाहीत याची देखील तो काळजी घेत आहे. हा व्हिडीओ सोशोल मीडियावर प्रचंड व्हायरलं झाला असून, नेटकऱ्यांकडून या कुत्र्याचे कौतुक होत आहे.

नेटकरी म्हणतात…

हा व्हिडीओ सोशल मीडियावर प्रचंड व्हायरल झाला असून, युजर्सकडून या कुत्र्याचे कौतुक होत आहे. @FredSchultz35 नावाच्या ट्विटर अकाऊंटवरून हा व्हिडीओ शेअर करण्यात आला आहे. आतापर्यंत या व्हिडीओला 25 हजारांहून अधिक लाईक्स, 2.8 हजारांहून अधिक रिट्विट्स आणि 13 लाखांहून अधिक व्ह्यूज मिळाले आहेत. याशिवाय अनेक युजर्सनी यावर कमेंट करून आपली प्रतिक्रिया दिली आहे. कमेंट सेक्शनमध्ये यूजर्सनी या कुत्र्याचे जोरदार कौतुक केले आहे. एका यूजरने लिहिले की, ‘आयला! हा कुत्रा तर हिरो निघाला.’ तर दुसऱ्या यूजरने लिहिले, ‘या कुत्र्याने चमत्कार केलाआहे.’