IPS च्या घरी पाणी भरत होती फायर ब्रिगेडची गाडी? व्हायरल व्हिडिओचे सत्य पोलिसांनी सांगितले…
डेहराडूनचे 1993 च्या बॅचचे रहिवासी असलेले अर्चना त्यागी सध्या महाराष्ट्राचे अतिरिक्त पोलिस महासंचालक म्हणून कार्यरत आहेत. धडाकेबाज पोलीस अधिकारी अशी त्यांची प्रतिमा आहे. 2014 मध्ये रिलीज झालेला राणी मुखर्जीचा 'मर्दानी' हा चित्रपट त्याच्यावर आधारित आहे.
महाराष्ट्र केडरच्या अधिकारी अर्चना त्यागी यांच्यासंदर्भातील एक व्हिडिओ सोशल मीडियावर व्हायरल होत आहे. त्या व्हिडिओनुसार, त्यांच्या डेहराडून येथील निवासस्थानी पाणीच्या समस्या निर्माण झाली. त्यानंतर फायर ब्रिगेडची गाडी पोहचली. संजय त्रिपाठी नावाच्या युजरने हा व्हिडिओ सोशल मीडिया X वर टाकला आहे. व्हिडिओ जुना असला तरी त्यावर प्रतिक्रिया उमटू लागल्या आहेत. त्यानंतर उत्तराखंड पोलिसांनी सत्य समोर आणले आहे.
लोकांकडून कॉमेंट
घरात फायर ब्रिगेडची गाडी पाण्यासाठी आल्याचे पाहून लोक आश्चर्य व्यक्त करत होते. फायर ब्रिगेडने घरी पाणी पुरवण्याचे काम सुरु केले का? असे येणार-जाणारे लोक म्हणताना दिसत आहे. घरातील टाक्या भरल्या जात आहे, कुठे आग लागली तर? असे बोलताना एक जण दिसत आहे. या व्हायरल व्हिडिओनंतर डेहराडून पोलिसांनी प्रसिद्धसाठी पत्रक काढले आहे. त्यात व्हायरल व्हिडिओसंदर्भात स्पष्टीकरण दिले आहे.
काय म्हणतात पोलीस
एलपीजी सिलेंडरमधून गॅस गळती झाल्याची माहिती मिळाल्यानंतर अग्निशमन दलाची गाडी त्या ठिकाणी पाठवण्यात आल्याचे पोलिसांनी म्हटले आहे. डेहराडूनचे वरिष्ठ पोलीस अधीक्षक अजय सिंह यांनी डेहराडून अग्निशमन अधिकाऱ्याकडून या घटनेची माहिती घेतली. त्यानुसार 15 जून रोजी गॅस गळतीची माहिती मिळाल्यानंतर अग्निशमन दलाची टीम वाहनासह त्या ठिकाणी आली. त्यानंतर अग्निशमन दलाने स्वयंपाकघरात ठेवलेल्या एलपीजी सिलिंडरवर पाणी टाकून गळती कमी केली. त्यामुळे मोठी दुर्घटना टळली. त्या घरात दोन वृद्ध लोक राहत होते.
भाईसाहब, जलवा होता है आईपीएस अफ़सर का। इनके घर में बड़े बड़े पानी भरते हैं। झूठ नहीं बोला है। प्रमाण के लिए ये वीडियो भी दिखा रहा हूँ। देहरादून की ईसी रोड पर आईपीएस अर्चना त्यागी का घर है। घर में फायर बिग्रेड की गाड़ी से पानी भरा जा रहा है, मतलब सप्लाई किया जा रहा है। pic.twitter.com/cxecmAFjbk
— SANJAY TRIPATHI (@sanjayjourno) July 30, 2024
कोण आहेत अर्चना त्यागी
डेहराडूनचे 1993 च्या बॅचचे रहिवासी असलेले अर्चना त्यागी सध्या महाराष्ट्राचे अतिरिक्त पोलिस महासंचालक म्हणून कार्यरत आहेत. धडाकेबाज पोलीस अधिकारी अशी त्यांची प्रतिमा आहे. 2014 मध्ये रिलीज झालेला राणी मुखर्जीचा ‘मर्दानी’ हा चित्रपट त्याच्यावर आधारित आहे. अर्चना त्यागी मूळच्या डेहराडून येथील आहे. वयाच्या अवघ्या २१व्या वर्षी त्यांनी पीजी-डीएव्ही कॉलेजमध्ये लेक्चरर म्हणून शिकवायला सुरुवात केली. यासोबतच यूपीएससीची तयारीही सुरू ठेवली. त्यांची भारतीय पोलीस सेवेसाठी (आयपीएस) निवड झाली. महाराष्ट्र केडर मिळाले.
