लग्नात एक्स गर्लफ्रेंड आली, इतका राडा झाला की नवरदेव थोडक्यात वाचला

भारतासह जगभरातून लग्नाच्या काळात वर वधूंच्या अनेक कथा समोर येतात. अनेकदा नवरदेव तर कधी नवरी आपल्या मजेशीर गोष्टींमुळे सोशल मीडियावर व्हायरल होते. लग्नसराईत अनेक ट्विस्ट येण्याच्या घटनाही घडल्या आहेत. अशीच एक घटना समोर आली आहे जिथे नवरदेवाची एक्स लग्नाच्या मंडपात पोहोचली आणि तिने गोंधळ घातला.

ही घटना ब्रिटनमधील एका शहरातली. वधू-वर त्यांच्या लग्नाबद्दल खूप खूश होते आणि लग्नाचा दिवसही निश्चित करण्यात आला होता आणि पाहुण्यांना कार्डही पाठवण्यात आले होते.

सगळी तयारी झाली आणि लग्नाचा दिवसही आला. सर्व पाहुणे आले होते. आपल्याला गर्लफ्रेंड आहे ही गोष्ट नवरदेवाने आपल्या नववधूपासून लपवून ठेवली होती.

लग्नाच्या दिवशी नवरदेवाची एक्स मंडपात पोहोचली. तिने मस्त पोटभरून जेवण केलं, गाणं सुद्धा म्हटलं. यानंतर जयमालाचा कार्यक्रम सुरू होताच ती वर स्टेजवर गेली.

तिने नवरदेवाला शिवीगाळ करण्यास सुरुवात केली. एका ग्लासात तिने पाणी घेतलं आणि नवरदेवाच्या चेहऱ्यावर फेकलं. लग्नाला आलेले पाहुणे बघतच राहिले. नेमकं झालं काय हे कुणालाच कळलं नाही.

या सगळ्या नंतर मात्र नवरदेवाला सगळ्यांना काय ते खरं सांगावं लागलं. ती मुलगी कोण आहे, तिने असं का केलं हे त्याने उपस्थित असणाऱ्या सगळ्यांना सांगितलं.

शेवटी इतका गोंधळ होऊन सुद्धा सुदैवानं हे लग्न पार पडलं. सध्या घटना बरीच चर्चेत आहे.