Jadu Ki Jhappi Viral: जादू की झप्पीने लावली ना वाट! ऑफिसमध्ये मिठी मारली,1 लाख 16 हजारांचा दंड भरावा लागला

काही वर्षांपूर्वी मुन्नाभाई एमबीबीएस (Munnabhai MBBS) सिनेमा आला होता. या सिनेमातील अनेक गोष्टी गाजल्या होत्या. गाणी, त्यातली पात्रं, त्यातले जवळपास सगळेच डायलॉग्स प्रचंड गाजले. चित्रपटातली जादू की झप्पी (Jadu Ki Jhappi) चांगलीच फेमस झाली. चित्रपटात एक सीन होता ज्यात मुन्नाभाई सांगत असतो ज्यात मुन्नाभाई जादू की झप्पीचं म्हणजे मिठी मारायचं महत्त्व सांगतो. हा मुन्नाभाई चित्रपटात सगळ्यांनाच ज्यांच्या आयुष्यात दुःख असतं त्यांना किंवा काहींना थँक यु म्हणायला जादू की झप्पी देत असतो. त्यानंतर या जादू की झप्पीचं बरंच वेड आलं.असाच एक किस्सा आता व्हायरल (Viral) होतोय. चीनच्या हुनान प्रांतातील युयांग शहरातील ही घटना आहे. इथल्या एका खासगी कंपनीत काम करणाऱ्या एका कर्मचाऱ्याने आपल्या महिला सहकाऱ्याला जादू की झप्पी दिली. ही जादू की झप्पी इतकी घट्ट होती की या जादू की झप्पी देणाऱ्याला आता आर्थिक नुकसानभरपाई द्यावी लागणार आहे. अजब आहेना? काय आहे संपूर्ण किस्सा…

 1 लाख 16 हजार रुपयांचा दंड

चीनच्या हुनान प्रांतातील युयांग शहरातील ही घटना आहे. येथील एका खासगी कंपनीत काम करणाऱ्या एका कर्मचाऱ्याने आपल्या महिला सहकाऱ्याला घट्ट मिठी मारली.आपल्या ऑफीसमधील एका महिला कर्मचाऱ्याला मिठी मारणे या व्यक्तीच्या चांगलेच अंगाशी आले आहे. या व्यक्तीला कोर्टाने चक्क 1 लाख 16 हजार रुपयांचा दंड ठोठावला आहे. भावनेच्या आहारी त्याने मारलेली मिठी इतकी घट्ट होती की त्यामध्ये या महिलेची चक्क तीन हाडे मोडली. ती महिला वेदनेने कळवळू लागली. वेदना असह्य झाल्यावर तिने हॉस्पिटलमध्ये जाण्याचा निर्णय घेतला. डॉक्टरांनी या महिलेला एक्स-रे काढण्यास सांगितले ज्यात तिच्या उजव्या बाजूला दोन व डाव्या बाजूला एक अशा बरगड्यांना दुखापत झाल्याचे समजले. अशा परिस्थितीत तिला ऑफिसला जाणे शक्य झाले नव्हते. तिने त्या सहकाऱ्याची भेट घेऊन त्याला नुकसानभरपाई देण्यास सांगितले, त्याने मात्र तिच्या मागणीला नकार दिल्याने या महिलेने कोर्टात धाव घेतली. कोर्टाने महिलेची बाजू ऐकल्यानंतर या पुरूष सहकाऱ्याला आर्थिक नुकसानभरपाई देण्याचे आदेश दिले आहेत.