औरंगाबाद पूर्व विधानसभा निवडणूक निकाल 2024

निवडणूक आयोगाने महाराष्ट्र विधानसभा निवडणुकीसाठी वेळापत्रक जाहीर केले आहे. त्यानुसार, आगामी २० नोव्हेंबर रोजी संपूर्ण राज्यातील २८८ विधानसभा जागांसाठी मतदान होणार आहे. निवडणुकीचे निकाल तीन दिवसांनी म्हणजेच २३ नोव्हेंबरला जाहीर होतील. निवडणुकीच्या घोषणेनंतर राज्यातील सर्व राजकीय पक्षांनी कंबर कसून तयारी सुरू केली आहे. राज्यात मुख्यतः सत्ताधारी महायुती वि.महाविकास आघाडी असा सामना रंगणार आहे.

आता महाराष्ट्रातील १०९व्या विधानसभा सीटबद्दल जाणून घेऊया, ती जागा म्हणजे म्हणजे औरंगाबाद पूर्व. औरंगाबाद पूर्व विधानसभा जागेवर सध्या भारतीय जनता पक्षाचे अतुल सावे हे विद्यमान आमदार आहेत. २०१९ मध्ये अतुल सावे यांनी इथे सलग दुसऱ्या वेळी निवडणूक जिंकली होती. याआधी ही जागा काँग्रेसच्या ताब्यात होती. २००४ आणि २००९ मध्ये काँग्रेसचे उमेदवार इथे निवडून आले होते. मात्र, ही जागा भाजपचा गड मानला जाऊ शकते, कारण १९८५ ते १९९९ पर्यंत भाजपाचे हरिभाऊ बागडे या जागेवर लागोपाठ निवडून आले होते.

मागच्या निवडणुकीत काय झालं ?

२०१९ च्या विधानसभा निवडणुकीत औरंगाबाद पूर्व विधानसभा जागेवर भाजपाने अतुल सावे यांना उमेदवार म्हणून उभे केले होते. या निवडणुकीत त्यांना एआयएमआयएमच्या अब्दुल गफ्फार कादरी यांच्याकडून कडवी लढत मिळाली होती. दोन्ही उमेदवारांमध्ये चांगली टक्कर पाहायला मिळाली होती. मात्र, अखेरीस अतुल सावे यांना ९३,९६६ मते मिळाली अन् ते विजयी झाले, तर एआयएमआयएमचे अब्दुल गफ्फार कादरी यांना ८०,०३६ मते मिळाली होती.

राजकीय समीकरण

औरंगाबाद पूर्व विधानसभा क्षेत्रातील जातिगत समीकरणांची बोलायचं तर, इथे मुस्लिम समुदाय मोठ्या प्रमाणात आहे. या समुदायाचा मतदारसंघात ३८ टक्के वाटा आहे. त्याचप्रमाणे, दलित समाजाचे मतं १६ टक्के आहे, आणि आदिवासी समाजाचे मत सुमारे १.५ टक्के आहे. शहरी आणि ग्रामीण मतदारांची तुलना केल्यास, या क्षेत्रात केवळ शहरी मतदार आहेत.