Salman Khan: सलमानची अजब स्टाईल! अर्धा भरलेला ग्लास ठेवला खिशात, पहा Viral Video
सलमानच्या या व्हिडीओवर नेटकऱ्यांनी कमेंट्सचा वर्षाव केला आहे. 'भाई, ग्लासमध्ये नेमकं काय आहे', असा प्रश्न एका नेटकऱ्याने विचारला. 'जीन्सच्या पॉकेटमध्ये ग्लास, भाईची नवी स्टाईल', अशी कमेंट एका युजरने केली.
अभिनेता सलमान खान (Salman Khan) सध्या त्याच्या व्हायरल व्हिडीओमुळे चर्चेत आहे. एका पार्टीमध्ये सलमानने केलेल्या एण्ट्रीची नेटकऱ्यांमध्ये विशेष चर्चा होतेय. व्हायरल व्हिडीओमध्ये (Viral Video) सलमानच्या हातात एक ग्लास पहायला मिळतोय. अर्ध्या भरलेल्या या ग्लासमध्ये नेमकं काय आहे, जे पाण्यासारखं दिसतंय असा प्रश्न नेटकऱ्यांना पडला आहे. आश्चर्याची बाब म्हणजे गाडीतून उतरताच सलमान त्याच्या हातात असलेला ग्लास (Glass) खिशात ठेवतो. सलमानची ही अजब स्टाईल पाहून नेटकरीसुद्धा थक्क झाले आहेत.
शनिवारी सलमानने मुराद खेतानीच्या वाढदिवसाच्या पार्टीला हजेरी लावली होती. कारमधून उतरताच त्याने हातात अर्धा भरलेला ग्लास जीन्सच्या उजव्या खिशात ठेवला. खिशात अडकवलेल्या ग्लासवर हात ठेवत त्याने पार्टीमध्ये प्रवेश केला. पार्टीतून परततानाही त्याच्या हातात तोच ग्लास दिसला. हातात तो ग्लास धरून तो कारच्या फ्रंट सीटवर बसला.
View this post on Instagram
सलमानच्या या व्हिडीओवर नेटकऱ्यांनी कमेंट्सचा वर्षाव केला आहे. ‘भाई, ग्लासमध्ये नेमकं काय आहे’, असा प्रश्न एका नेटकऱ्याने विचारला. तर ‘वोडका की जिन टॉनिक’, असंही एकाने म्हटलं. ‘जीन्सच्या पॉकेटमध्ये ग्लास, भाईची नवी स्टाईल’, अशी कमेंट एका युजरने केली. सलमान अर्धा भरलेला ग्लास जीन्सच्या पाकिटात कसा ठेवू शकतो, असा प्रश्न नेटकऱ्यांना पडला आहे.
सलमानचा ‘किसी का भाई किसी की जान’ हा चित्रपट प्रेक्षकांच्या भेटीला येणार आहे. यामध्ये त्याच्यासोबत पूजा हेगडे, व्यंकटेश डग्गुबत्ती, जगपती बाबू, राघव जुयाल आणि शहनाज गिल यांच्याही भूमिकात आहेत. याशिवाय त्याचा ‘टायगर 3’ हा चित्रपटसुद्धा प्रदर्शनाच्या प्रतीक्षेत आहे. यामध्ये तो पुन्हा एकदा कतरिना कैफसोबत झळकणार आहे. मेगास्टार चिरंजीवीच्या गॉडफादरमध्येही तो पाहुण्या कलाकाराची भूमिका साकारणार आहे.
