Sonam Kapoor: सोनम कपूरच्या मुलाचं नाव माहितीये का? अर्थही आहे खूप खास!

अभिनेत्री सोनम कपूर (Sonam Kapoor) आणि आनंद अहुजा (Anand Ahuja) यांच्या घरी 20 ऑगस्ट रोजी चिमुकल्या पाहुण्याचं आगमन झालं. आज (मंगळवार) सोनमने बाळाला महिना पूर्ण झाल्याचा आनंद साजरा केला. यानिमित्त सोनमने इन्स्टाग्रामवर पहिल्यांदाच बाळासोबतचा फोटोसुद्धा पोस्ट केला आहे. मार्च महिन्यात सोनमने गरोदर असल्याचं जाहीर केलं होतं. तिने आनंदसोबतचे प्रेग्नन्सी फोटोशूट इन्स्टाग्रामवर पोस्ट केले होते. लग्नानंतर सोनम लंडनमध्ये स्थायिक झाली. मात्र तिने मुंबईतच बाळाला जन्म दिला.

सोनमने बाळाचा फोटो पोस्ट करत त्याचं नावसुद्धा जाहीर केलं. सोनम आणि आनंदने त्यांच्या मुलाचं नाव ‘वायू’ असं ठेवलं. या नावाचा अर्थसुद्धा तिने सांगितला.

हे सुद्धा वाचा

Samantha: समंथा ‘या’ आजाराने त्रस्त? शूटिंग थांबवून उपचारासाठी परदेशी रवाना

Armaan Kohli: ड्रग्ज प्रकरणात अरमान कोहलीला वर्षभरानंतर मोठा दिलासा

Cheetah: देशात चित्ते परतल्यानंतर सोशल मीडियावर मीम्सचा पूर; तुम्हीही पोट धरून हसाल!

Faisal Khan: आमिर खानला सख्ख्या भावानेच म्हटलं ‘संधीसाधू’; काय आहे वाद?

View this post on Instagram

A post shared by Sonam Kapoor Ahuja (@sonamkapoor)

वायूचा अर्थ-

‘हिंदू धर्मग्रंथांमध्ये वायू हे पंच तत्वांपैकी एक आहे. तो श्वासोच्छवासाचा देव असून हनुमान, भीम आणि माधव यांचा अध्यात्मिक पिता आहे. तो अविश्वसनीय आणि शक्तिशाली वाऱ्याचा देवता आहे. प्राण हासुद्धा वायू आहे. ती विश्वातील जीवन आणि बुद्धिमत्तेची मार्गदर्शक शक्ती आहे. प्राण, इंद्र, शिव आणि काली या सर्व देवता वायूशी संबंधित आहेत. तो जितक्या सहजतेने वाईटाचा नाश करू शकतो, तितक्याच सहजतेने तो जीवन (श्वास) देऊ शकतो. वायूला वीर, शूर आणि मोहक असंही म्हटलं जातं,’ अशी पोस्ट तिने लिहिली आहे.

बाळाला महिना पूर्ण झाल्याचा आनंद सोनमने केक कापून साजरा केला. यावेळी खास बॉस बेबीचा केक त्यांनी ऑर्डर केला होता. या केकचाही फोटो तिने इन्स्टा स्टोरीमध्ये पोस्ट केला आहे. ‘बॉस बेबी कपूर अहुजा’ असं त्या केकवर लिहिण्यात आलं आहे.