Srinidhi Shetty: ‘KGF: चाप्टर 2’च्या यशानंतर श्रीनिधी शेट्टीनं वाढवलं माधन; ‘कोब्रा’साठी मागितली इतकी फी
साऊथचा सुपरस्टार विक्रम या चित्रपटात श्रीनिधीसोबत काम करणार आहे. या ॲक्शन थ्रिलर चित्रपटाचं लेखन आणि दिग्दर्शन आर. अजय ज्ञानमुथू यांनी केलं आहे. या चित्रपटाची खास गोष्ट म्हणजे यात क्रिकेटर इरफान पठाणही दिसणार आहे.
अभिनेता यशची मुख्य भूमिका असलेल्या ‘केजीएफ’ या चित्रपटाचे दोन्ही भाग प्रचंड गाजले. त्यातील प्रत्येक पात्राने प्रेक्षकांच्या मनावर विशेष छाप सोडली. रॉकी भाईच्या ‘केजीएफ चाप्टर 1’ आणि चाप्टर 2 (KGF) या दोन्हीमध्ये अभिनेत्री श्रीनिधी शेट्टीने (Srinidhi Shetty) त्याच्या प्रेयसीची भूमिका साकारली होती. या दोन्ही चित्रपटामुळे श्रीनिधी जगभरात लोकप्रिय झाली. याच लोकप्रियतेमुळे श्रीनिधीने तिचं मानधन वाढवल्याचं कळतंय. ‘KGF 2’च्या यशानंतर श्रीनिधी शेट्टीने तिची फी वाढवली आहे. ती लवकरच ‘कोब्रा’ (Cobra) या चित्रपटातून प्रेक्षकांच्या भेटीला येणार असून त्यासाठी तिने दुप्पट फीची मागणी केली आहे.
श्रीनिधीने प्रशांत नील दिग्दर्शित ‘KGF चाप्टर 2’साठी तीन कोटी रुपये मानधन घेतलं होतं. आता तिने तिच्या आगामी ‘कोब्रा’ चित्रपटासाठी 7 कोटी रुपयांची मागणी केली आहे. श्रीनिधी KGF च्या तुलनेत दुप्पट मानधन स्वीकारत आहे. साऊथचा सुपरस्टार विक्रम या चित्रपटात श्रीनिधीसोबत काम करणार आहे. या ॲक्शन थ्रिलर चित्रपटाचं लेखन आणि दिग्दर्शन आर. अजय ज्ञानमुथू यांनी केलं आहे. या चित्रपटाची खास गोष्ट म्हणजे यात क्रिकेटर इरफान पठाणही दिसणार आहे. कोब्रा यावर्षी 11 ऑगस्ट 2022 रोजी प्रदर्शित होत आहे.
पहा व्हिडीओ-
View this post on Instagram
KGF Chapter 2 च्या कथेत चाहत्यांनी पाहिलं की रीना देसाईला (श्रीनिधी शेट्टी) गोळी मारली जाते आणि तिचा मृत्यू होतो. अशा परिस्थितीत ती केजीएफच्या तिसर्‍या भागात दिसणार नसल्याचं मानलं जात आहे. मात्र निर्मात्यांनी अद्याप याबद्दल कोणतीही माहिती शेअर केलेली नाही. श्रीनिधीने मॉडेलिंगपासून करिअरची सुरुवात केली. 2016 मध्ये तिने मिस सुप्रानॅशनल या सौंदर्यस्पर्धेचा किताब जिंकला. त्यानंतर तिने कन्नड आणि तमिळ चित्रपटांमध्ये काम करण्यास सुरुवात केली. 2018 मध्ये तिने केजीएफ चाप्टर 1 या चित्रपटातून कन्नड चित्रपटसृष्टीत पदार्पण केलं.
