अहो…ग्रीन टी आणि ब्लॅक टी सोडा आणि इकडे पाहा मेथीचा चहाचे जबरदस्त फायदे…!

मुंबई : आपल्यापैकी अनेकांची सकाळ एक कप चहाने (Tea) होते. काहींना तर बेड टीचीच सवय असते. आपल्याकडे जास्त करून दूधाचा चहा पिला जातो. मात्र, जे लोक वजन कमी करण्यासाठी प्रयत्न करत आहेत, ते ग्रीन टीचे अधिक सेवन करतात. ग्रीन टी पिणे आरोग्यासाठी फायदेशीर आहे. मात्र, ग्रीन टी (Green tea) पेक्षाही वजन कमी करण्यासाठी मेथीचा चहा फायदेशीर ठरतो. मेथीमध्ये अँटासिड्स असतात, जे शरीरात ऍसिड रिफ्लेक्ससारखे काम करतात. मेथीचा चहा पिल्याने बैली फॅटही कमी होतात. फक्त मेथीची चहा वजन कमी करण्यासाठीच नाहीतर तो आपल्या आरोग्यासाठीही खूप फायदेशीर (Beneficial) ठरतो. मेथीचा चहा तयार करण्यासाठीही सोपा आहे. याचे रिकाम्या पोटी सेवन केल्याने वजन कमी होण्यासोबतच अनेक आरोग्य फायदे देखील मिळतात. चला तर मग जाणून घेऊयात मेथीचा चहा पिण्याचे आरोग्य फायदे.

मेथीचे फायदे

वजन कमी करण्यासाठी मेथी फायदेशीर आहे. मेथीच्या दाण्यांमध्ये विद्रव्य फायबर आणि ग्लूकोमोनास फायबर असते. ते आतड्यांमधून ग्लूकोज शोषून घेण्यास मदत करते. , मेथीमधील अल्कॉइड्समुळे शरीरात इन्सुलिनचे प्रमाण सुधारते आणि ग्लाइसेमिक पातळी कमी होते. यामुळे मधुमेहाचा धोका देखील कमी होतो. ज्यांना वजन कमी करायचे आहे, अशांनी आपल्या आहारामध्ये जास्तीत-जास्त मेथीचा समावेश करायला हवा.

मेथीमध्ये अनेक पोषक तत्व असतात. साखरेची पातळी राखण्यासाठी तुम्ही याचा वापर करू शकता. हे तुमच्या शरीरातील इन्सुलिनचे प्रमाण वाढण्यापासून रोखते. तुम्ही सकाळी जो चहा घेता त्यामध्ये थोडी मेथी मिक्स करा. यामुळे शरीरातील साखरेची पातळी नियंत्रणात राहण्यास मदत होते. मात्र, मेथीचे प्रमाण अगोदरच ठरवून घेतलेले फायदेशीर ठरते. बैली फॅट कमी करण्यासाठी आपण मेथीचे दाणे काही वेळ पाण्यामध्ये भिजत ठेवून ते खाऊ शकतो. यामुळे फायदा होता.

मेथीचा चहा

मेथीचा चहा बनवणे सोप्पे आहे. रात्री मेथी पाण्यामध्ये भिजत ठेवा. त्यानंतर कोमट पाण्यामध्ये या मेथी घाला आणि गरम होईद्या. चहा कोमट झाली की, त्यामध्ये लिंबाचा रस मिक्स करा. हा चहा उपाशी पोटी आणि गरमा-गरम प्या. यामुळे वजन कमी होण्यास मदत होईल. जर आपल्याला हवी असेल तर आपण या चहामध्ये एक चमचा ग्रीन टी देखील घालू शकता. याशिवाय कोमट लिंबू पाण्यात थोडी मेथी आणि एक चमचा मध मिसळून दिवसातून दोनदा प्या.