तिशीनंतर महिलांच्या शरीरातील कॅल्शियम का कमी होते?; वाचा लक्षणे आणि कारणे!

मुंबई : आपली हाडे 70 टक्के कॅल्शियम फॉस्फेटने बनलेली आहेत. म्हणून आपण आपल्या आहारात कॅल्शियमयुक्त अन्न घ्यावे जेणेकरून हाडे मजबूत राहतील. पण बदलत्या खाण्याच्या सवयींमुळे निरोगी अन्न खाणे कमी झाले आहे. यामुळे हाडांची समस्या सुरू होते. यातील बहुतेक समस्या स्त्रियांना भेडसावतात. मासिक पाळी आणि गर्भधारणे दरम्यान शरीरातील कॅल्शियमचा वापर वाढतो, म्हणून त्यांना अधिक कॅल्शियमची आवश्यकता असते. (Special tips to overcome calcium deficiency)

परंतु कामांमुळे स्त्रिया स्वतःच्या आरोग्याकडे लक्ष देऊ शकत नाहीत, ज्यामुळे त्यांच्यापैकी बहुतेकांना वयाच्या 30 व्या वर्षी आजार होऊ लागतात. जर कॅल्शियमची कमतरता खूप जास्त झाली तर अकाली संधिवात, ऑस्टियोपेनिया, ऑस्टियोपोरोसिस आणि हायपोक्लेसेमिया सारख्या समस्या निर्माण होतात. यामुळे आपल्या आहाराकडे लक्ष देणे खूप महत्वाचे आहे.

कॅल्शियमच्या कमतरतेची लक्षणे

-हात आणि पायांमध्ये मुंग्या येणे

-चिंताग्रस्त वाटत राहणे

-स्नायू पेटके

-सांधे दुखी

-दात गळणे

-मासिक पाळीशी संबंधित समस्या

-ठिसूळपणा आणि नखे तुटणे

-केस गळणे

-चिडचिड आणि थकवा

कॅल्शियमच्या कमतरतेची कारणे

– निरोगी अन्नाऐवजी, बाहेरचे जंक फूड, फास्ट फूड आणि प्रक्रिया केलेले अन्न खाणे.

– व्हिटॅमिन डीची कमतरता कारण व्हिटॅमिन डीच्या कमतरतेमुळे शरीर कॅल्शियम शोषण्यास असमर्थ होते.

– योनीतून स्त्राव, यामुळे शरीरातून केवळ कॅल्शियमच नाही तर शरीरासाठी आवश्यक असलेले सर्व घटक बाहेर येतात.

-मासिक पाळी, स्तनपान आणि गर्भधारणा दरम्यान जास्त रक्त प्रवाह झाल्यामुळे शरीरात कॅल्शियमची कमतरता येऊ शकते.

-याशिवाय शरीरात इस्ट्रोजेन हार्मोनची पातळी कमी झाल्यामुळे कॅल्शियमची कमतरता देखील होऊ शकते.

कॅल्शियमची कमतरता दूर करण्याचा मार्ग

-आपल्या आहारात दूध, चीज, दही, टोफू, सोयाबीन, सोया मिल्क इत्यादी कॅल्शियम युक्त पदार्थांचा समावेश करा.

-चिया बिया, अंबाडी, तीळ इत्यादी खा.

-केळी, भेंडी, पालक, ब्रोकोली इत्यादी हिरव्या भाज्या घ्या.

-दररोज सुमारे 30 मिनिटे सूर्यप्रकाशामध्ये थांबा, जेणेकरून शरीर कॅल्शियम शोषून घेईल.

-जर खूप त्रास होत असेल तर डॉक्टरांच्या सल्ल्याने कॅल्शियम सप्लीमेंट घ्या.

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare

— TV9 Marathi (@TV9Marathi) February 24, 2021

(Special tips to overcome calcium deficiency)