ज्यांना कुणाला आमच्याबरोबर यायचंय त्यांनी खुशाल यावं; आता संजय राऊतांची विरोधकांना खुली ऑफर

मुंबई: मुख्यमंत्री उद्धव ठाकरे यांनी विरोधकांना भावी सहकारी म्हटल्यानंतर आता शिवसेना नेते संजय राऊत यांनी विरोधकांना खुली ऑफर दिली आहे. ज्यांना कुणाला आमच्यासोबत यायचं त्यांनी खुशाल यावं आणि भावी व्हावं, असं आवाहनच संजय राऊत यांनी केलं आहे. (sanjay raut offer opposition leaders to join maha vikas aghadi)

संजय राऊत यांनी मीडियाशी बोलताना हे आवाहन केलं आहे. ज्यांना कुणाला आमच्याबरोबर यायचं असेल त्यांनी यावं आणि भावी व्हावं. आजी सहकारी व्हावं. जे माजी आहेत ते आजी होतील. त्यामुळे तुम्ही त्याला भूकंप वगैरे म्हणू नका, असं राऊत म्हणाले.

दानवे अजातशत्रू

मुख्यमंत्री उद्धव ठाकरे यांनी केंद्रीय रेल्वे राज्यमंत्री रावसाहेब दानवे यांना भेटायला बोलावलं आहे. त्यावरही राऊत यांनी प्रतिक्रिया व्यक्त केली. मुख्यमंत्र्यांनी दानवेंना भेटायला बोलावलं आहे. ते केंद्रीय मंत्री आहेत. मीही त्यांना अनेकदा भेटतो. ते अजातशत्रू आहेत. दानवे सर्वांचे मित्रं आहेत. दानवे जेव्हा महाराष्ट्रात भाजपचे अध्यक्ष होते. तेव्हा सर्व काही सुरळीत सुरू होतं, तेही खरं आहे. त्यांना बोलावलं असेल तर चांगलं आहे. ते रेल्वे राज्य मंत्री आहेत. रेल्वेचे अनेक प्रश्न आहेत. मुंबईचे प्रश्न आहेत. राज्याचे प्रश्न आहेत. त्यावर चर्चा होईल. केंद्रीय मंत्रिमंडळाशी कोणत्याही राज्याचा संवाद राहणं महत्त्वाचं आहे, असं ते म्हणाले.

तीन पैकी एका पक्षात पाटील प्रवेश करू शकतात

भाजपचे प्रदेशाध्यक्ष चंद्रकांत पाटील यांनी दोन दिवसात बदल होणार असल्याचे संकेत दिले होते. पाटील यांच्या या विधानाची राऊत यांनी खिल्ली उडवली. त्या दोन दिवसातील 24 तास संपले. आता 24 तास राहिले आहेत. वाट पाहा. ते काय भूकंप करतात ते पाहा. चंद्रकांत पाटील महाविकास सामिल होऊ शकतात असं मुख्यमंत्र्यांच्या विधानवरून दिसू शकतं. तीन पैकी एका पक्षात ते प्रवेश करू असं पाटील यांना वाटत असेल, म्हणून त्यांना माजी राहणार नाही असं म्हटलं असावं. मुख्यमंत्र्यांनीही पाटील तीन पैकी एका पक्षात प्रवेश करतील असं सांगितलं आहे. पण माझ्या माहितीप्रमाणे ते नागालँडमध्ये जाणार आहेत. राज्यपाल म्हणून.त्यांच्या अस्वस्थ मनामुळे त्यांना नागालँडच्या राज्यपालपदाची ऑफर दिली आहे, असा चिमटाही त्यांनी काढला.

कोणत्याही पदावर जाऊ शकतो

संजय राऊत अमेरिकेचे राष्ट्राध्यक्ष होऊ शकतात, असं विधान पाटील यांनी केलं होतं. त्यांच्या या विधानाचा त्यांनी समाचार घेतला. अमेरिकेचा राष्ट्राध्यक्ष होऊ शकतो ना. मराठी माणूस काहीही होऊ शकतो. जर महाराष्ट्राला माहीत नसताना चंद्रकांत पाटील मंत्री होऊ शकतात तर राऊत आणि शिवसैनिक कोणत्याही पदावर जाऊ शकतात, असा टोला त्यांनी लगावला.

(sanjay raut offer opposition leaders to join maha vikas aghadi)

MahaFast News 100 | महाफास्ट न्यूज 100 | 7 AM | 17 September 2021 https://t.co/QOyEpQzxHd #News #bulletin

— TV9 Marathi (@TV9Marathi) September 17, 2021

संबंधित बातम्या:

उद्धवजींना ‘रिअलाईज’ झाल्यामुळेच आम्हाला भावी सहकारी म्हणाले असावेत : देवेंद्र फडणवीस

आधी ईडी, मग सीबीआय, आता इन्कम टॅक्सकडूनही अनिल देशमुखांवर धाडी!

चंद्रकांत पाटील तीन पक्षांपैकी एका पक्षात प्रवेश करणार असं माझ्या कानावर आलंय : उद्धव ठाकरे

(sanjay raut offer opposition leaders to join maha vikas aghadi)