राणींच्या बागेत दोन नव्या पाहुण्यांचे आगमन; पेंग्विनने दिला दोन पिल्लांना जन्म!
वीरमाता जिजाबाई भोसले उद्यान आणि प्राणिसंग्रहालयातील हम्बोल्ट पेंग्विन सुविधा त्यांच्या जैविक, वर्तणूक आणि शारीरिक आवश्यकता विचारात घेऊन विकसित करण्यात आले आहे. उत्तम जलश्रेणीसाठी प्रगत एलएसएस सुविधा, स्वच्छ हवेच्या अभिसरणासाठी एएचयू यंत्रणा, पेंग्विनच्या 24/7 देखरेखीसाठी सीसीटीव्ही कॅमेरे, पशुवैदयकीय अधिकारी, प्रणिपाल आणि अभियंते इत्यादी पेंग्विनच्या काळजी आणि व्यवस्थापनासाठी सुसज्ज आहे.
वीरमाता जिजाबाई भोसले उद्यान आणि प्राणिसंग्रहालयातील हम्बोल्ट पेंग्विन सुविधा त्यांच्या जैविक, वर्तणूक आणि शारीरिक आवश्यकता विचारात घेऊन विकसित करण्यात आले आहे. उत्तम जलश्रेणीसाठी प्रगत एलएसएस सुविधा, स्वच्छ हवेच्या अभिसरणासाठी एएचयू यंत्रणा, पेंग्विनच्या 24/7 देखरेखीसाठी सीसीटीव्ही कॅमेरे, पशुवैदयकीय अधिकारी, प्रणिपाल आणि अभियंते इत्यादी पेंग्विनच्या काळजी आणि व्यवस्थापनासाठी सुसज्ज आहे.
1 / 6
या सुविधेत सध्या सात प्रौढ पेंग्विन (3 नर आणि 4 मादी) आहेत. त्यापैकी दोन प्रजनन जोड्यांनी या वर्षी यशस्वीपणे प्रजनन केले आहे. डोनाल्ड आणि डेसी या जोडीने एकच अंड दिले आणि 11 मे 2021 रोजी हे नवजात पिल्लू (नर) (ओरिओ-Oreo) जन्माला आले. पालकांनी ओरिओचे पूर्णपणे संगोपन केले आणि तसेच टीमने दर 2-3 तासांनी पालकांना आहार देऊन ओरिओच्या संगोपनात त्यांना मदत केली.
2 / 6
याव्यतिरिक्त दररोज सकाळी पिल्लाचे वजन तपासून त्यानुसार पिल्लाला कोणत्याही पूरक आहाराची आवश्यकता आहे का, याची तपासणी केली जाते. ओरिओ आता 4 महिन्यांचा आहे. इतर पेंग्वीनच्या हल्ल्यापासून त्याला स्वतःचे संरक्षण करण्यास शिकवले आहे.
3 / 6
ओरिओ सतत त्याच्या घरट्यात न जाता मुख्यतः बबल या मादी पेंग्विनसोबत वेळ घालवतो आणि प्रदर्शनी परिसरात फिरतो. ओरिओ आता प्रौढ पेंग्विनप्रमाणे मासे खातो आणि आता त्याला कोणत्याही विशेष आहाराची आवश्यकता नाही.
4 / 6
ओरिओला आता किशोरवयातील पेंग्विन सारखे आवरण (Juvenile Coat) आले असून सुमारे एक वर्षाचा होईपर्यंत त्याला प्रौढ पेंग्विनप्रमाणे आवरण (adult coat) येईल. ही घडण प्रक्रिया तरुण पेंग्विनसाठी खूप तणावपूर्ण असते म्हणून त्याची काळजी घेतली जात आहे. मोल्ट आणि फ्लिपर या जोडीने एकच अंड दिले आणि 19 ऑगस्ट 2021 रोजी हे नवजात पिल्लू जन्माला आले.
5 / 6
हे पिल्लू फक्त 25 दिवसांचे असून त्याचे संपूर्णपणे संगोपन केले जात आहे. त्याची लिंग तपासणी अद्याप करण्यात आलेली नाही. वयाच्या तीन महिन्यांपर्यंत रोगप्रतिकारक शक्ती कमकुवत असल्याने पिले आजारांना बळी पडू शकतात. म्हणून सावधगिरी बाळगण्यात येत आहे.
