Pro Kabaddi League PKL 2021-22: दिल्लीची नवीन एक्स्प्रेस सुसाट, पुण्याचा पराभव

Name: Pro Kabaddi League PKL 2021-22: दिल्लीची नवीन एक्स्प्रेस सुसाट, पुण्याचा पराभव
Uploaded: 2021-12-23T21:52:08+05:30
Duration: 5 min 2 s
Description: पुण्याकडून नितीन तोमर आणि राहुल चौधरी हे चमकार कामगिरी करु शकले नाहीत. दोन्ही संघांनी पकडीपेक्षा आक्रमणात जास्त गुण मिळवले.

पुण्याकडून नितीन तोमर आणि राहुल चौधरी हे चमकार कामगिरी करु शकले नाहीत. दोन्ही संघांनी पकडीपेक्षा आक्रमणात जास्त गुण मिळवले.

टीव्ही 9 मराठी डिजीटल टीम | Updated on: Dec 23, 2021 | 9:52 PM

बंगळुरु: प्रो कबड्डी लीगमध्ये (Pro Kabaddi League) दबंग दिल्ली (Dabang Delhi) आणि पुणेरी पलटनमध्ये (Puneri Paltan) दिवसातील दुसरा सामना झाला. दबंग दिल्लीने या सामन्यात दमदार खेळ दाखवत पुण्याला 41-30 असे अकरा गुणांनी पराभूत केले. दिल्लीने अत्यंत सहजतेने पुण्यावर विजय मिळवला. दिल्लीकडून नवीन कुमारने शानदार खेळाचं प्रदर्शन केलं. जवळपास प्रत्येक रेड म्हणजे चढाईमध्ये त्याने दबंग दिल्लीसाठी गुण मिळवले.

रेडमध्ये नवीन कुमारने 14 पॉईंट मिळवले. विजय मलिकने रेड मध्ये सहा पॉईंट मिळवून त्याला चांगली साथ दिली. नवीन कुमारने अत्यंत चपळाईने आक्रमण करुन गुण मिळवले. पुण्याकडून नितीन तोमर आणि राहुल चौधरी हे चमकार कामगिरी करु शकले नाहीत. दोन्ही संघांनी पकडीपेक्षा आक्रमणात जास्त गुण मिळवले.

पहिल्या हाफचा खेळ संपला, त्यावेळी दिल्लीकडे सात गुणांची आघाडी होती. दिल्लीचे 22 तर पुण्याचे 15 गुण झाले होते. रेड म्हणजे चढाईत दिल्लीने 13 तर पुण्याने चढाईत 11 गुण मिळवले होते. दिल्ली विरुद्ध पुणे सामना अगदीच एकतर्फी झाला. काही प्रसंगी पुणे सामन्यात कमबॅक करतय असं वाटलं. पण दिल्लीने पुण्याला वरचढ होण्याची संधी दिली नाही.