Akshaya Tritiya 2022: अक्षय तृतीयेला ‘सोन्याचे नाणे’ खरेदी करताय? पण या गोष्टींची घ्या काळजी; अन्यथा होईल मोठे नुकसान!
अक्षय तृतीयेला (Akshaya Tritiya) सोने खरेदी करणे खूप शुभ मानले जाते. अशा परिस्थितीत, जेव्हा तुम्ही विशेषतः सोन्याची नाणी खरेदी करत असाल, तेव्हा खरेदी आणखी खास बनते. पण खरेदी करण्यापूर्वी तुम्ही काही गोष्टींची माहिती घेतली पाहीजे.
अक्षय तृतीयेला सोन्याची खरेदी शुभ (Gold) मानली जाते. या दिवशी सोने खरेदी करण्याची आपल्या देशात परंपरा आहे. या दिवशी सोने खरेदी केल्यास समृद्धी आणि सौभाग्य (Prosperity and happiness) प्राप्त होते, अशी धार्मिक धारणा आहे. यंदा हा सण ३ मे रोजी आहे. सोने खरेदीसाठी सध्या अनेक पर्याय उपलब्ध आहेत. फिजिक गोल्ड व्यतिरिक्त, तुम्ही गोल्ड ईटीएफ आणि डिजिटल गोल्ड देखील खरेदी करू शकता. तुम्हीही सोने खरेदी करायला जात असाल तर काही महत्त्वाच्या गोष्टी लक्षात ठेवणे आवश्यक आहे. विशेषतः सोन्याचे नाणे खरेदी करतांना अशा काही गोष्टी आहेत ज्यांची काळजी घेणे अत्यंत आवश्यक आहे. त्यामुळे सणाचा आनंद द्विगुणित होईल. तुम्ही ज्वेलर्स, बँक किंवा इतर कोणत्याही (Jewelers, banks or any other) माध्यमातून नाणी खरेदी करू शकता.
कॅरेट आणि फिनिशींग पहा
सोन्याची नाणी ई-टेलर्स, बँका, एमएमटीसी-पीएएमपी आणि बिगर बँकिंग वित्तीय कंपन्यांकडून ऑनलाइन खरेदी केली जाऊ शकतात. वेगवेगळ्या प्लॅटफॉर्मसाठी किमान रक्कम वेगळी आहे. सोने खरेदी करायला गेलात तर त्याची शुद्धता नक्की पहा. कॅरेट आणि फीनीशींग यांच्या मदतीने अचूकता तपासली जाते. 24 कॅरेटचे सोने सर्वात शुद्ध मानले जाते, याशिवाय 23 कॅरेट, 22 कॅरेट सोने देखील आहे. त्यात झिंक, सिल्व्हर हे पदार्थही आढळतात. जेव्हा सोन्याची शुद्धता फायनान्सच्या आधारावर मोजली जाते तेव्हा ते 24 कॅरेटसाठी 999.9 असते.
हॉलमार्क लक्षात ठेवा
जर तुम्ही सोने खरेदी करत असाल, तर हॉलमार्क नक्कीच लक्षात ठेवा. 16 जून 2021 पासून, ज्वेलर्स फक्त BIS हॉलमार्क असलेले सोने विकू शकतात. याशिवाय 1 जुलै 2021 पासून हॉलमार्क चिन्ह देखील बदलण्यात आले आहे. आता फक्त तीन चिन्हे हॉलमार्क आहेत. यात BIS हॉलमार्क लोगो, कॅरेट आणि 6 अंकी HUID कोड असतात.
टेम्पर प्रुफ पॅकेजमध्येच खरेदी
टेम्पर प्रुफ पॅकेज (छेडछाड प्रतिबंधक) पॅकेजमध्ये सोन्याची नाणी खरेदी करण्याचा सल्ला दिला जातो. यामुळे बनावट, फसवणूक आणि नुकसान होण्याची शक्यता कमी होते. या पॅकेजमधून सोन्याची नाणी न काढण्याचा सल्ला ज्वेलर्स देतात. हे पॅकेज सोने पूर्णपणे सुरक्षित आणि शुद्ध असल्याची खात्री देते.
ज्या ज्वेलर्सकडून घेतले तिथेच विका
रिझर्व्ह बँक ऑफ इंडियाच्या म्हणण्यानुसार, जर तुम्ही बँकेकडून सोन्याची नाणी खरेदी केली तर तुम्ही ती त्याच बँकेला विकू शकत नाही. दुसरी गोष्ट म्हणजे एका ज्वेलर्सकडून सोन्याची नाणी विकत घेतल्यास ती दुसऱ्या ज्वेलर्सला विकल्यास नुकसान होते. दुसरा ज्वेलर्स कमी किंमतीत खरेदी करेल.
तुमच्या क्षमतेनुसार खरेदी करा
सोन्याची नाणी 0.50 ग्रॅम ते 50 ग्रॅमपर्यंत असू शकतात. वेगवेगळ्या विक्रेत्यांचे किमान वजन वेगवेगळे असते. सोन्याची नाणी किमान 0.50 ग्रॅम खरेदी करता येतात. हे सोन्याचे शुद्ध स्वरूप आहे. यासाठी मेकिंग चार्ज कमी आहे. तुम्ही दागिने खरेदी केल्यास तुम्हाला अधिक मेकिंग चार्जेस द्यावे लागतील.
