नंदूरबार लोकसभा निवडणूक निकाल 2024

नंदुरबार मतदार संघाचा इतिहास 

महाराष्ट्रातील नंदूरबार लोकसभा मतदारसंघाचा स्वतःचा वेगळा इतिहास आहे. 2014 पूर्वी नंदुरबार हा काँग्रेसचा बालेकिल्ला मानला जात होता आणि याआधी कोणत्याही पक्षाचा नेता येथे विजयी झाला नव्हता. 2014 मध्ये मोदी लाटेत काँग्रेसचा मजबूत बालेकिल्ला ढासळला.

निवडणूकांमधील विजय 

नंदुरबार हा महाराष्ट्रातील जिल्हा आहे आणि एक लोकसभा मतदार संघ देखील आहे. नंदुबार जिल्ह्यात विधानसभेच्या सहा जागा आहेत,  2008 पूर्वी विधानसभेच्या फक्त चार जागा होत्या. स्वातंत्र्यानंतर नंदुरबार लोकसभा अस्तित्वात आली. 1952 मध्ये देशात पहिली लोकसभा निवडणूक झाली तेव्हा काँग्रेसने या जागेवरून विजय मिळवला होता. त्यानंतर शालिग्राम रामचंद्र भारतीय हे या जागेचे पहिले खासदार होते. त्यांच्यानंतर जयंतराव गणपत नटावदकर खासदार झाले.

2014 पूर्वी काँग्रेसची एकाधिकारशाही

लक्ष्मण वेदू वळवी हे काँग्रेसचे नेते 1957 ते 1962 या काळात येथून खासदार होते. यानंतर कॉंग्रेसचे तुकाराम हुराजी गावित हे 1967 ते 1971 पर्यंत खासदार होते. 1977 ते 1980 या काळात सुरुपसिंग हिऱ्या नाईक यांनी या जागेचे प्रतिनिधित्व केले. त्यानंतर 1980 ते 2009 पर्यंत ही जागा काँग्रेसच्या ताब्यात राहिली आणि येथून माणिकराव गावित खासदार होते. 2014 मध्ये देशात मोदी लाट आल्यामुळे काँग्रेसचा विजयरथ रोकला गेला. 

मोदी लाटेत विजय 

2014  मध्ये भाजपने हिना गावित यांना येथून तिकीट दिले होते. काँग्रेसचे उमेदवार माणिकराव गावित यांचा पराभव करुन भाजपाने आपले खाते उघडले. 2014 पूर्वी येथे केवळ काँग्रेसचा उमेदवार विजयी झाला होता. 2014 मध्ये भाजपने येथून आपले खाते उघडले आणि काँग्रेसचा विजयरथ रोखण्यात यश मिळवले. 2019 मध्ये भाजपने हीना गावित यांना तिकीट दिले आणि त्या विजयी झाल्या.

जातीय समीकरण काय ?

नंदुरबार मतदारसंघात एसटी प्रवर्गाचे सर्वाधिक मतदार आहेत. 2011 च्या जनगणनेनुसार, या जागेवर एसटी मतदारांची संख्या सुमारे 12,00,191 होती. त्याच वेळी, त्यावेळी अनुसूचित जातीच्या मतदारांची संख्या सुमारे 67,103 होती, जी एकूण लोकसंख्येच्या 3.5 टक्के होती. या जागेवर मुस्लिम मतदारही आहेत, ज्यांची संख्या 1,06,263 होती. लोकसंख्येचा विचार केला तर त्या वेळी जिल्ह्याच्या एकूण लोकसंख्येमध्ये त्यांचा वाटा 5.5 टक्के होता.